web counter
LEXO PA REKLAMA!

SHKARKO APP

App Store
Google Play

Çelsi gjen zëvendësuesin e Brojës, zyrtarizohet blerja e sulmuesit

28 Dhjetor 2022, 17:53, Sport CNA

Dëmtimi i Armando Brojës dhe qëndrimi jashtë fushave të lojës deri në fund të këtij sezoni, ka detyruar Çelsin që të hyjë në merkato për një futbollist në repartin e avancuar. Shqiptari ishte pjesë e planeve të Graham Poter për pozicionin e qendërsulmuesit dhe mungesa e tij ka detyruar blutë që të bëjnë një lëvizje dhe zyrtarizojnë një tjetër të ri në radhët e tyre.

Ka qenë vetë klubi i cili nëpërmjet një njoftimi ka bërë të ditur se ka nënshkruar një parakontratë me sulmuesin e Bregut të Fildishtë, Datro Fofana. Pritet që ai të kryejë të gjithë vizitat mjekësore me klubin anglez, para se të nënshkruhet një kontratë e mirëfilltë në ditët e para të janarit, për të finalizuar transferimin e tij nga radhët e klubit të Molde.

Fofana është vetëm 20-vjeçar por ka paraqitur një formë mbresëlënëse në klubin nga ka dalë Erling Haland, duke shënuar 15 gola në 42 ndeshje edhe pse në moshë mjaft të re. Kështu, Broja duhet të fillojë të mësohet me idenë se kur të kthehet pas dëmtimit, do të ketë më shumë konkurrencë në repartin e avancuar të londinezëve.





Lajmet e fundit nga