web counter
LEXO PA REKLAMA!

SHKARKO APP

App Store
Google Play

Eliminimi nga Europa, Bekim Balaj e ka me arbitrin: Na dënoi dy herë

21 Korrik 2023, 11:55, Sport CNA

Sulmuesi i Vllaznisë, Bekim Balaj, autori i golit të fitores në ndeshjen e djeshme, është shprehur se skuadra shkodrane meritonte më shumë në përballjen ndaj Linfildit. 

Në prononcimin pas ndeshjes, shtatlarti shkodran mendon se ndikim të madh në faktin që Vllaznia nuk arriti të çonte të paktën ndeshjen në kohën shtesë, ka arbitri me penalltinë e padhënë.

“Jam i keqardhur për këtë eliminim. Mendoj se me lojën që bëmë, me atmosferën që krijuan, tifozët tanë të mrekullueshëm dhe me ato episode gati të pabesueshme që pati kjo ndeshje, realisht më vjen keq. Të shohësh ato episode është mëkat i madh. Na penalizuan shumë ato penallti të padhëna, por edhe raste të tjera. Të them të drejtën arbitri na penalizoi. Ne pamë videot më pas dhe mendoj se ishin dy penallti të pastra.

Por pati edhe momente të tjera gjatë lojës kur arbitri u bë protagonist dhe na krijoi probleme. Mungesa e VAR-it në këtë fazë është për të ardhur keq. U penalizuam ne në këtë rast, por mund të penalizohet edhe dikush tjetër. Është për të ardhur keq, sepse nuk mundet të shkojë kështu. Këto janë gabime që nuk kushtojnë vetëm në këtë ndeshje, por ndikojnë në klub për të ardhurat financiare, ndikojnë te skuadra në aspektin psikologjik, pasi lojtarët kështu ndihen të dëshpëruar dhe nuk kanë as ku të ankohen. Megjithatë, ky ekip tregoi se ka vlera, se ka personalitet dhe di të bëjë gjëra të mira në fushë. Ndoshta edhe fatin nuk e kishim me vete, por në futboll kështu është”, ka thënë sulmuesi i Vllaznisë.





Lajmet e fundit nga