E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Ekskluzive/ Haris Fakic: Skënderbeu i madh do rikthehet! Ofertën e tyre do e pranoja edhe në 3 të natës

15 Mars 2023, 21:43, Sport CNA

Ekskluzive/ Haris Fakic: Skënderbeu i madh do rikthehet! Ofertën e

Ardjan Takaj-Haris Fakic

Haris Fakic, ish--drejtori i Skënderbeut në periudhën më të suksesshme të klubit korcar, është rikthyer edhe njëherë tjetër të flasë për kohët e tij të arta në drejtimin e korcarëve. Në një intervistë ekskluzive për CNA.al, Fakic deklaron se i mungon Skënderbeu, jo vetëm atij, por edhe gjithë futbollit shqiptar. Ai gjithashtu thekson se nuk është e largët dita kur Skënderbeu t'i rikthehet edhe njëherë tjetër lavdisë, ndërsa u shpreh se nëse e telefonon Takaj për t'u rikthyer, ai nuk do nguronte të nisej edhe në orën 3 të natës.

Dikur drejtori më i suksesshëm në Shqipëri me Skënderbeun, ku ndodhet sot Haris Fakic dhe me çfarë po merret?

Jam shpërngulur në Shkup. Me të njëjtin angazhim si dikur kur isha pjesa e klubit Skendrbeu. Edhe sot, në bashkëpunim me Shkumbin Qormemetin po merremi me rekrutimin e futbollistëve të talentuar në agjensinë tonë që menaxhojmë. Koha më "fluturon" gjithashtu nëpër udhëtime duke zbuluar talente të ndryshëm në cdo cep të botës.

Cfarë ndodhi me Skënderbeun? Kush e zhyti aq thellë këtë klub?

Skëndrebeu është një klub që meriton respekt në emër të së shkuarës, por edhe të asaj që po ndodh tani. Të gjithë klubet në botë pësojnë kriza dhe ulje-ngritje, por Skënderbeut i ndodhi një padrejtësi e madhe, duke u dënuar ashpër dhe për një kohë të gjatë. Gjithsesi, sot që flasim, ky klub është afer daljes te asaj krize edhe besoj se shumë shpejt, Skënderbeu do te rikthehet atje ku i takon edhe ku e ka vendin në Shqipëri. Dua të theksoj edhe kontributin e presidentit Takaj, i cili e mbajti klubin pavarësisht dënimit dhe po bën gjithçka që ta rikthejë sërish në majë.

Haris Fakic

Mendoni se do riktheheni një ditë te Skënderbeu?

Sigurisht. Nëse do kisha ofertën nga presidenti Takaj për një tjetër bashkëpunim, edhe 3 të natës e kisha pranuar ofertën. Kjo për shkak të marëdhënieve që kam pasur me atë klub, por sigurisht që varet nga momenti ku qendron klubi. Do rikthehem apo jo një ditë, koha do ta tregojë. Skënderbeu ka qenë, është dhe do jetë gjithmonë shtëpia ime.

E ndiqni kampionatin shqiptar? Cila skuader ju bën më shumë pershtypje?

Gjithmonë e kam ndjekur kampionatin shqiptar, për shkak edhe të profesionit. Rivaliteti është i madh dhe kjo e bën garën edhe më të fortë. Për fatin e keq, nuk është ai nivel futbolli që ishtë në kohën e Skënderbëut të madh, por mendoj se shumë shpejt klubet shqiptare do ringrihen dhe do rikthehen sërish të jënë protagonisë në Europë.

Haris Fakic

Cili lojtar i Superiores ju pëlqen më teper, na permendni 2-3 emra?

Historikisht kampionati shqiptar ka prodhuar talentë të mëdhenj. Skuka psh ishte nje lojtar me klas te dëshmuar në fushë. Xhixha gjithashtu dhe shitjet e tyre nuk janë rastësi. Gjithashtu më bëhet qejfi që janë rikthyer në Shqipëri lojtarë me emër si Liridon Latifi apo Bekim Balaj. Cilësia në Shqipëri është e madhe dhe kjo duket qartazi.

Keni oferta nga Shqiperia?

Po, kam pasur disa oferta nga Shqipëria dhe Kosova, por kam vendosur të qëndroj afër familjes sime. E provova të ndahëm në kohën kur isha pjeësë e Skënderbeut dhe ishte e vështirë. Kjo ka qenë arsyeja që i kam refuzuar këto oferta, por nuk e përjashtoj mundësinë e ndonjë bashkëpunimi më ndonjë klub shqiptar.

Cfarë plane keni për të ardhmen?

Secili nga ne bën planet e tij në jetë. Besoj dhe shpresoj se nuk do të jetë e largët dita kur unë të rikthehem te ndonjë ekip futbolli që ka projekt afatgjatë dhe sukses, njësoj si Skënderbeu në kohët e arta.