web counter
LEXO PA REKLAMA!

SHKARKO APP

App Store
Google Play

E pazakontë/ Shtyhet Kukësi-Partizani, shkak bëhet një dasmë

13 Shtator 2022, 10:28, Sport CNA
E pazakontë/ Shtyhet Kukësi-Partizani, shkak bëhet një
Çaste nga ndeshja Kukësi-Partizani e sezonit të kaluar

Superliga shqiptare do të zhvillojë në fundjavë javën e pestë. Nga e premtja në të hënë, kjo është shtrirja e pesë ndeshjeve. E planifikuar për të dielën në 15:00, sfida mes Kukësit dhe Partizanit është shtyrë me 24 orë.

Dueli do të luhet të hënën në orën 15:00 në “Kukës Arena”, me arsyen që ka qenë e veçantë. Kapiteni i Kukësit, Gjelbrim Taipi, lidh kurorë në fundjavë, me stafin dhe lojtarët që kanë dashur të jenë në këtë gëzim.

Kërkesa ndaj FSHF-së dhe klubit të Partizanit është miratuar nga këta të fundit, me Taipin që bëhet shkak për shtyrjen e ndeshjes. Sigurisht që dita më e rëndësishme në jetë për kapitenin sjell edhe “sakrifica”.

Enkeleid Dobi ka drejtuar dje për herë të parë Kukësin në stërvitje. Pasi u prezantua me të gjithë lojtarët, trajneri ka nisur të vendosë në zbatim planin stërvitor, teksa risia e parë ishte që nga sot e tutje, kryesisht seancat do të zhvillohen gjatë paradites.

Trajneri i mëparshëm, Skënder Gega, kishte preferuar së fundmi orën 15:00, por Dobi duke diskutuar edhe me grupin e lojtarëve, ka vendosur që skuadra të zbresë çdo ditë në fushë në 10:00 ose 11:00.

Duke qenë se ndeshja me Partizanin është spostuar për të hënën, sot trajneri i ri ka menduar të ushtrojë me skuadrën dy seanca.





Lajmet e fundit nga