web counter
LEXO PA REKLAMA!

SHKARKO APP

App Store
Google Play

E fundit!

x

E mbylli ekipin me çelës në dhomat e zhveshjes, si nisi krisja totale e Kontes me lojtarët e Totenhemit

29 Mars 2023, 20:25, Sport CNA

Jo të gjitha historinë kanë një fund të lumtur dhe aventura e Antonio Kontes te Totenhemi është shembulli konkret.

Trajneri italian, pas disa pakënaqësive të fundit që kishte nisur të tregonte kryesia e drejtuesve kundrejt tij, kishte vendosur dhe tashmë e bëri zyrtare që t’i jepte lamtumirën “Spurs”- ave, përpara fundit të kontratës së tij, por në akord me klubin.

Ishte e dukshme se ambiciet e skuadrës londineze ishin totalisht të ndryshme me ato të ish-trajnerit të Juves dhe të Interit, ndonëse italiani një tentativë të dëshpëruar, të fundit, për të shkundur futbollistët e tij që të reagonin e bëri, madje duke përdorur edhe një mënyrë disi të ashpër, e cila iu kthye si bumerang dhe e krisi totalisht me lojtarët e tij.

Sipas asaj që raporton “Daily Mail”, përpara se të linte Totenhemin, ai vazhdonte të këmbëngulte me fjalime të forta në qendrën stërvitore, ditë pas dite, që të mund të ndryshonte mentalitetin e grupit. Por edhe pse ai shpresonte, skuadra po notonte në batak, duke marrë vetëm 1 fitore në gjashtë ndeshjet e fundit, mes të cilave tri humbje shumë të rënda kundër Aston Vilës, Arsenalit dhe Mançester Sitit.

Dhe këto e patën tërbuar aq shumë, sa një ditë të bukur, ai thërret të gjithë skuadrën në dhomat e zhveshjes së qendrës stërvitore dhe u thotë: “Tani zgjidheni mes jush si të ndryshojmë”, ishte deklarata e tij, përpara se të dilte dhe t’i mbyllte me çelës nga jashtë futbollistët për më shumë se një orë.

Gjithsesi, kjo zgjedhje, në vend që të frymëzonte dhe të rriste dozën e vetëbesimit brenda grupit, bëri që lojtarët të bashkohen mes tyre dhe në kor të shprehin pakënaqësinë e tyre te presidenti Levi, duke kërkuar edhe shkarkimin e tij, pasi jo vetëm mënyrat, por edhe stili i tij i lojës aspak ofensiv nuk i bënte të lumtur Herri Kejnin me shokë.





Lajmet e fundit nga