web counter
LEXO PA REKLAMA!

SHKARKO APP

App Store
Google Play

E fundit!

x

E konfirmon gazetari i njohur italian, Milani do të tentojë transferimin e Armando Brojës

21 Shtator 2022, 15:11, Sport CNA

Edhe pse Çelsi ka zgjedhur të rinovojë me Armando Brojën, sërish shumë klube do të tentojnë të arrijnë shërbimet e tij në verën e vitit të ardhshëm.

Siç raporton gazetari i njohur italian, Karlo Pelegati, Milani është një prej këtyre klubeve dhe do të bëjë çmos për të arritur te shërbimet e 21-vjeçarit shqiptar.

“Një transferim i madh te Milani verën e ardhshme do të jetë një qendërsulmues i madh. Kuqezinjtë nuk do të kërkojnë një lojtar që vlen 10 milionë euro, por do të tentojnë një që vlen 30-40 milionë euro. Unë e kam një emër. Ai luan për Çelsin, është 21 vjeç. Sot kushton 25 deri në 40 milionë euro. Ka shumë eksperiencë pavarësisht moshës së tij të re, është 191 cm i gjatë, është sulmues shqiptar që luan për 'Blutë' dhe emri i tij është Armando Broja. Është një lojtar interesant sa i përket kostos dhe perspektivës. Ishte në radarët e Napolit, kur kjo e fundit mund të humbte Osimhen. Vitin e ardhshëm Milanit i duhet një lojtar që ti japi garanci në sulm”, u shpreh gazetari 72-vjeçar.

Broja pritet të ketë më shumë minuta me trajnerin e ri, Graham Poter, por nëse e ardhmja e tij te Çelsi nuk ia garanton vendin e titullarit, ndoshta verën e ardhshme mund ta shohim sulmuesin e Kombëtares në një tjetër skuadër.





Lajmet e fundit nga