web counter
LEXO PA REKLAMA!

SHKARKO APP

App Store
Google Play

E bujshme/ Mesi lidhet përsëri me një transferim tek Interi

26 Mars 2023, 09:35, Sport CNA
E bujshme/ Mesi lidhet përsëri me një transferim tek Interi
Lionel Messi

Thashethemet nga Spanja raportojnë se Lionel Mesi mund t’i bashkohet Interit në verë pasi i skadon kontrata me Paris Saint-Germain.

Shtatë herë fituesi i "Topit të Artë" ka pak më shumë se tre muaj të mbetur nga kontrata e tij me skuadrën parisiene dhe një marrëveshje e re nuk është e garantuar, që do të thotë se ai mund të jetë sërish një lojtar i lirë në verë.

Interi ishte një nga klubet e lidhur me Mesin pas largimit të tij nga Barcelona në verën e vitit 2021 dhe zëvendëspresidenti Javier Zanetti konfirmoi muajin e kaluar se bisedimet ishin zhvilluar, duke pranuar se folën kur kishte një shans.

Gazetari spanjoll Sergio Gonzalez raportoi sot se një ‘burim i besueshëm’ pohoi se Interi po kërkon të nënshkruajë me Mesin në verë, nëse ai vendos të mos rinovojë kontratën me PSG-në.

Një faktor i rëndësishëm në bisedime është miqësia e sulmuesit argjentinas me bashkëkombësin e tij dhe ish-bashkëlojtarin te kombëtarja, Zanettin.

Pavarësisht thashethemeve, është e vështirë të imagjinohet se Interi ka aftësinë për të arritur këtë marrëveshje, duke qenë në një pozicion financiar delikat mes shqetësimeve të ndryshme të borxheve të presidentit Steven Zhang.





Lajmet e fundit nga