web counter
LEXO PA REKLAMA!

SHKARKO APP

App Store
Google Play

E BUJSHME/ Finalja e madhe drejt “Air Albania”-s, Greqia i kërkon ndihmë FSHF-së

8 Maj 2023, 15:24, Sport CNA

Lajm fantastik nga Greqia. Finalja e Kupës së shtetit helen do të luhet në Tiranë. Mediet greke raportojnë se Federata Shqiptare e Futbollit ka dhënë miratimin që kjo sfidë të zhvillohet në stadiumin “Air Albania”.

Në këtë ndeshje do të përballen dy gjigantët e futbollit grek, AEK i Athinës dhe PAOK i Selanikut. Ky takim ishte programuar të zhvillohej sot, por për shkak të trazirave mes tifozërive është shtyrë.

Kësisoj, “Air Albania” është një opsion për të pritur këtë finale të madhe dhe kjo raportohet nga "sport-fm.gr": “Federata Shqiptare e Futbollit ka dhënë miratimin për finalen e Kupës në Tiranë! Ekziston mundësia që zhvillimi i kësaj finaleje të luhet në Shqipëri. Sipas informacioneve nga Dimitris Tsorbatzolglou, nga Shqipëria ka pasur përgjigje pozitive”, thuhej në median greke.

Finalja e Kupës është programuar të luhet në datën 24 maj. Kujtojmë që policia greke ka gjetur bomba molotov përreth stadiumit ku do të zhvillohej kjo finale. Në shtetin helen, asnjëri nga impiantet nuk do të ofronte sigurinë e nevojshme prej përplasjes që kanë këto dy tifozëri.





Lajmet e fundit nga