web counter
LEXO PA REKLAMA!

SHKARKO APP

App Store
Google Play

12 sekonda dhe 6 prekje në 84 metra, Teo Hernandez si kometa Hallej

8 Maj 2023, 09:21, Sport CNA

12 sekonda dhe 6 prekje në 84 metra, Teo Hernandez si kometa Hallej

Hallej, më e famshmja dhe më e shkëlqyera e kometave, u pa për herë të fundit në vitin 1986 dhe do të jetë sërish e dukshme nga Toka në vitin 2061.

Kometa e Teo Hernandezit, ndërkohë, përsëritet në “San Siro” për dy vjet radhazi: në maj 2022 kundër Atalantës dhe në maj 2023 kundër Lacios, muaji i kuqezinjve dhe i galopimeve të mëngjarashit francez. Dy gola të ngjashëm për ndërtim, dy vizione qiellore që lënë gojëhapur të gjithë stadiumin. Dhe goli nuk është kujtimi i vetëm i një ndeshjeje në të cilën francezi ishte madhështor në çdo fazë të lojës, i patejkalueshëm në mbrojtje dhe i pakapshëm kur liroi kuajt e mbivendosur.

Kjo është arsyeja pse ai me meritë pas Milan-Lacio u votua “Lojtari i Ndeshjes”, me një diferencë të madhe ndaj Benaserit dhe Kruniçit, që ishin gjithashtu stratosferikë me statistikat e tyre në suksesin e kuqezinjve.

SHIFRAT – Që kur iu bashkua Milanit, në sezonin 2019-‘20, Teo Hernandez është, së bashku me Robin Gosens, mbrojtësi që ka ndikuar në më shumë gola në Serinë A (39 të përkthyer në 22 gola dhe 17 asiste). Që nga zbarkimi tij te kuqezinjtë në sezonin 2019-‘20, gjithashtu Teo Hernandez është mbrojtësi që ka shënuar më shumë gola pas një përparimi me topin në këmbë në Serinë A (shtatë). Sa i përket sezonit aktual, 25-vjeçari ka koleksionuar 39 prezenca, duke shënuar 4 golat e dhënë, pesë asiste në të gjitha kompeticionet që ka luajtur me fanellën kuqezi.





Lajmet e fundit nga