web counter
LEXO PA REKLAMA!

SHKARKO APP

App Store
Google Play

E fundit!

x

E bujshme/ Armando Broja te Milani që në janar

20 Nëntor 2022, 07:59, Sport CNA
E bujshme/ Armando Broja te Milani që në janar
Armando Broja

Zërat që shohin Armando Brojën pranë transferimit nga Çelsi te Milani në janar kanë filluar të bëhen gjithnjë e më të fortë. Interesimi i kuqezinjve që në verë ka qenë i dukshëm, por tanimë gjërat duket se kanë filluar të konkretizohen me mirëkuptimin mes pronarëve amerikanë të të dy klubeve.

Sipas “Corriere Dello Sport”, pikërisht marrëdhëniet e mira mes pronarëve amerikanë të kuqezinjve dhe atyre të bluve, mund të shtyjnë drejt mbylljes së një akordi për kalimin që në janar të sulmuesit shqiptar në Milano. Lojtari vlerësohet 30 milionë euro, por në këtë mes nuk bëhet fjalë për një huazim apo të blerje të thjeshtë, pasi po diskutohet paralelisht edhe për Hakim Zijek dhe Rafael Leaon.

Blutë duan sulmuesin portugez nga Milani, ndërsa kuqezinjtë, përveç Brojës, janë të interesuar edhe për marokenin, nëse ky i fundit ul pretendimet ekonomike që ka. Gazeta e njohur sportive italiane duket e bindur se këto bisedime mund të mbyllen pozitivisht, pasi amerikanët rrallëherë nuk gjejnë gjuhën e përbashkët kur bëhet fjalë për lëvizje të tilla që duket se u interesojnë të dy palëve.





Lajmet e fundit nga