web counter
LEXO PA REKLAMA!

SHKARKO APP

App Store
Google Play

Dy skuadra ndajnë kreun, Kukësi i shtang të gjithë. Si ndryshon renditja në Superiore

29 Tetor 2023, 11:18, Sport CNA

Superiorja ditën e djeshme ka mbyllur edhe javën e 10-të të saj, teksa vetëm Kukësi dhe Partizani ia dolën të festojnë. 3 barazime janë shënuar në këtë javë, duke bërë që ekipet të humbasin terren në klasifikim.

Egnatia pas barazimit me Skënderbeun ndodhet në vendin e parë me 20 pikë. Po kaq pikë ka dhe Partizani që pas fitores me Teutën bashkëkryeson me rrogozhinasit. Laçi është forca e 3-të e kampionatit, teksa barazoi ndaj Erzenit 0-0 dhe ndodhet me 14 pikë, po aq sa Tirana e vendit të 4-t. Bardheblutë për të 3-tën ndeshje radhazi nuk e njohin fitoren.

Kukësi ngjitet në klasifikim dhe pa diskutim kjo javë flet në “gjuhën” e tyre. Verilindorët mposhtën 1-0 Vllazninë në “Kukës Arena”, edhe pse ekipi i Stavri Nicës luajti me për më shumë se 50 minuta me 10 lojtarë. Tashmë janë vetëm 1 pikë larg zonës “Final – Four”, pozicion që nuk duket “utopi” pas ndeshjeve të javëve të fundit.

13 pikë ka grumbulluar edhe Skënderbeu, i cili ka ndeshjen e 3-të pa fitore dhe tashmë është në rënie të lirë. Në vendin e 7-të renditet Vllaznia me 12 pikë, po aq edhe Erzeni në vendin e 9-të. Teuta ndodhet me 11 pikë, ndërsa Dinamo me vetëm 8 pikë. Këto të fundit prej 4 ndeshjesh nuk e njohin fitoren dhe tashmë “fundosen” në klasifikim.

Interesante është se vetëm 3 pikë ndajnë vendin e 3-të në klasifikim me të 9-tin. Kjo do të thotë se gara në Superiore do të jetë edhe më e fortë në javët në vazhdim, ku të gjitha ekipet duan një vend në “Final – Four”.





Lajmet e fundit nga