web counter
LEXO PA REKLAMA!

SHKARKO APP

App Store
Google Play

Dy milionë tifozë më pak, largimi i Mesit i kushton PSG-së

5 Qershor 2023, 15:21, Sport CNA

Dy milionë tifozë më pak, largimi i Mesit i kushton PSG-së

Lionel Mesi mbylli aventurën 2-vjeçare te PSG-ja, që nuk shkoi ashtu siç e kishte menduar. Pavarësisht se fitoi titullin kampion (2x) dhe Superkupën e Francës.

Shtatë herë fituesi i "Topit të Artë", zhvilloi 75 ndeshje në total, shënoi 32 gola dhe dhuroi 35 asiste me skuadrën franceze.

Objektivi "Champions League" nuk u arrit, ndërkohë që tifozët e PSG-së nuk i kursyen thumbimet dhe vërshëllimat ndaj argjentinasit. Madje as në takimin e tij të fundit në “Parc des Princes”.

35-vjeçari mund të rikthehet te Barcelona. Ose mund të transferohet në Arabinë Saudite, aty ku Al-Hilal është gati t’i dhurojë 400 mln euro në sezon.

Largimi i Mesit u ka kushtuar kampionëve të Francës në aspektin e marketingut. Faqja zyrtare e "Instagram"-it e PSG-së, ka humbur minimalisht 2 milionë ndjekës pas zyrtarizimit të largimit të kampionit të botës.

Edhe pse firma e tij me PSG-në dy vite më parë krijoi entuziazëm të madh te tifozët, kurrë nuk lindi dashuria mes tyre dhe futbollistit më të mirë në planet.

Gjithsesi, “pleshti” nuk i kurseu fjalët e bukura në lidhje me këtë aventurë në kryeqytetin francez, ku ndër të tjera tha: “Jam jashtëzakonisht i lumtur që kam qenë në gjendje të përfaqësoj këtë klub.

Ishte fantastike të isha pjesë e kësaj skuadre dhe të luaja përkrah shumë lojtarëve të mirë. Do të doja të falënderoja klubin për këtë përvojë të mrekullueshme në Paris”.





Lajmet e fundit nga