web counter
LEXO PA REKLAMA!

SHKARKO APP

App Store
Google Play

E fundit!

x

“Dy fytyrat” e Kombëtares ndaj Çekisë e Gjeorgjisë, çfarë ndryshoi te Shqipëria në tre ditë?

15 Tetor 2024, 10:01, Sport CNA
“Dy fytyrat” e Kombëtares ndaj Çekisë e
Kombëtarja

“Dy ndeshje, dy fytyra”, kështu u shfaq kombëtarja shqiptare e futbollit në përballjen e muajit tetor në Ligën e Kombeve, përballë Republikës Çeke dhe Gjeorgjisë.

Pas humbjes ndaj Çekisë, ku u shfaq totalisht e çakorduar dhe pa vullnetin e duhur për të bërë mirë, ekipi “kuqezi” u shfaq totalisht ndryshe mbrëmjen e së hënës, në fitoren 0-1, në transfertën e Gjeorgjisë, me golin që u shënua nga Kristjan Asllani.

Tre ditë i mjaftuan ekipit të trajnerit Sylvinho, që të reflektonte dhe të reagonte siç duhej.

Por çfarë ndryshoi te Shqipëria nga Çekia te Gjeorgjia?

Ndryshimi i parë u pa te formacioni, me Sylvinho-n që zgjodhi të bënte tre ndryshime në formacion.

Në mbrojtje në ndryshim nga sfida me Çekinë në vend të Elseid Hysajt dhe Marash Kumbullës u aktivizuan Ivan Balliu dhe Arlind Ajeti, teksa në sulm vendin e Mirlind Dakut e mori Indrit Tuci, me këtë të fundit që luajti ndeshjen e parë si titullar me Kombëtaren.

Ndërkohë, në mungesë të Hysajt, shiriti i kapitenit në këtë ndeshje iu besua lojtarit më në formë të “kuqezinjve”, mbrojtësit Ardian Ismajli, i cili si gjithmonë la zemrën në fushë.

Megjithatë, ndryshimi më i madh mes këtyre dy ndeshjeve u duk që në nisjen e sfidës ndaj gjeorgjianëve, me Shqipërinë që u shfaq me grintën dhe dëshirën për të dalë me fitore nga kjo për përballje, gjë që u reflektua më së miri në lojë.

E gjithë skuadra u duk shumë e bashkuar dhe e koordinuar, me lojtarët që dhanë maksimumin dhe u munduan që të ndihmonin njëri-tjetrin.

Ndaj Gjeorgjisë, Shqipëria u fut në fushë për të luajtur çdo sekond me maksimumin e saj dhe ia doli, duke treguar edhe njëherë tjetër se vetëm si një grup kompakt dhe me qëllime të qarta “kuqezinjtë” mund t’ja dalin të marrin rezultuate pozitive edhe ndaj kundërshtarëve shumë të vështirë./CNA





Lajmet e fundit nga