web counter
LEXO PA REKLAMA!

SHKARKO APP

App Store
Google Play

Fitorja me Gjeorgjinë, Duka: Festë e merituar! Shqipëria, ekipi më i shpërblyer në Evropë

14 Tetor 2024, 20:41, Sport CNA

Fitorja me Gjeorgjinë, Duka: Festë e merituar! Shqipëria, ekipi

Presidenti i Federatës Shqiptare të Futbollit, Armand Duka, u shfaq shumë i lumtur pas fitores minimale ndaj Gjeorgjisë.

Në prononcimin pas ndeshjes, Duka tha se ekipi e meriton të festojë, për rezultatin dhe lojën e treguar. i pyetur për premion, ai theksoi se Shqipëria është ekipi më i shpërblyer në Evropë.  

“Çdo ndeshje e Shqipërisë është shumë e rëndësishme, qoftë miqësore dhe jo në një grup si ky. Përgjegjësia për çunat ishte shumë e madhe, sidomos pas asaj ndeshje ndaj Çekisë. Lojtarët meritojnë më shumë se dy humbjet e fundit.

Ne kemi të njëjtin objektiv, që është vendi i parë. Është një grup shumë i vështirë. Nëse mendojmë se kemi dy ndeshje në shtëpi dhe do të fitojmë, është e gabuar. Duhet dhënë maksimumi. Çunat e meritojnë të festojnë pas kësaj ndeshje. Dy ndeshjet e fundit janë shumë të vështira. Ukraina është ekipi më me kualitet, ndonëse kanë vetëm 3 pikë. Uroj që çunat t’i kemi mirë dhe të na kthehen ata që munguan.

Nuk më intereson sa ndeshje ta humbur Gjeorgjia, por më intereson fitorja jonë. Ne nuk mund t’i fitojmë të gjitha ndeshjet, sepse nuk jemi Spanja. Ky është futbolli. Padyshim që ka edhe ditë jo. Shpresoj që shumica e ditëve të jenë pozitive. Ne kishim shumë emocione. Janë emocione që nuk shmangen në futboll.

I thashë Dakut, që ta kishte bërë atë gol dhe do ishim më të çliruar, ndërsa Silvinjo më tha se kështu shijon më shumë.

Ekipi ka premio për objektivin vendi i parë. Skuadrën nuk e motivon premio. Fanella të motivon shumë, sidomos në këto kushte që vinim pas një humbje. Ekipi e kishte peng humbjen në Tiranë. Padyshim që nuk mungojnë edhe shpërblimet dhe mendoj se ekipi jonë është më i shpërblyeri në Evropë.”, deklaroi Duka.





Lajmet e fundit nga