web counter
LEXO PA REKLAMA!

SHKARKO APP

App Store
Google Play

E fundit!

x

Dy debutues nga Seria A dhe lënia jashtë e Gabriel Zhezusit/ Trajneri Tite publikon listën e Brazilit

9 Shtator 2022, 21:50, Sport CNA

Në fundin e muajit shtator, Brazili ka programuar dy takime miqësore. Me datë 23, pesë herë kampionët e botës do të luajnë përballë Ganës, ndërsa katër ditë më pas ndaj Tunizisë. Ndërkohë ditën e sotme është bërë publike edhe lista e futbollistëve të grumbulluar nga trajneri Tite për këto 2 miqësore.

Vlen të theksohet se në këtë listë nuk mungojnë surprizat, që në një formë, mund të jenë një sinjal i drejtpërdrejt për emrat që do të marrin ftesën finale për në Katar. Në këto dy takime, Brazili do të luajë pa Dani Alves, Kutinjon dhe Gabriel Zhezusin, të cilët nuk janë grumbulluar.

Padyshim që surpriza më e madhe është mungesa e sulmuesit të Arsenalit, Gabriel Zhezus, që po bën mjaft mirë me “topçinjtë”.

Në vend të tij, Tite ka ftuar sulmuesin e Flamengos, Pedro, i cili ka debutuar në nëntorin e vitit 2020 ndaj Venezuelës dhe për të është ftesa e dytë. 25-vjeçari është një “makineri” golash, golashënuesi i Copa Libertadores me 12 gola me skuadrën braziliane.

Ndërkohë, risi në këtë grumbullim janë dy emra, Gleison Bremer i Juventus dhe Roger Ibanjez i Romës, të cilët kanë marrë ftesën e parë të karrierës dhe pritet që të bëjnë debutimin e tyre në këto ndeshje miqësore.

Dy debutues nga Seria A dhe lënia jashtë e Gabriel Zhezusit/ Trajneri





Lajmet e fundit nga