E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Memelli iu "kyç" gojën lojtarëve para ndeshjes me Dinamon

9 Shtator 2022, 21:19, Sport CNA

Memelli iu "kyç" gojën lojtarëve para ndeshjes me

Skënderbeu u rikthye pas 12 vitesh në Kategorinë e Parë, por starti nuk shkoi sipas planit. Nëse fillimisht mendonin që do ta nisnin me fitore dhe si pretendentë, e kundërta ngjau. Kuptuan se rrugëtimi do të ketë shumë pengesa. Dhe e para mban emrin Tërbun. Në Pukë u ndalën te barazimi 1-1.

Rezultat ky që edhe pse mund të shihet si i favorshëm, kur dihet që luhet në transfertë. Dhe në këtë ligë ndeshjet jashtë fushe janë të egra. E megjithatë, Migen Memelli nuk ka mbetur aspak i kënaqur. Trajneri ka qenë i mërzitur dhe kryesisht me mënyrën se si ekipi e interpretoi lojën. Jo vetëm në fillimet e saj, por edhe pas golit të barazimit dhe mbi të gjitha me problematikën që shfaqën në finalizim.

Edhe pse me tre sulmues nga minuta e parë, bardhekuqve u ka munguar “shënjestra”. Ata nuk kanë qenë konkretë në portën e kundërshtarit, diçka që në fakt e ka zanafillën që nga faza përgatitore. Për këtë arsye, në seancën e djeshme numri një i pankinës ka vendosur rregulla. Memelli u ka “kyçur gojën” të tijve për median para ndeshjes me Dinamon dhe u ka kërkuar impenjim maksimal gjatë këtyre ditëve para ndeshjes me blutë e kryeqytetit. I prerë dhe kërkues është shfaqur gjatë gjithë seancës së të martës.