E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Barazimi me Kukësin, Shkëmbi: Teuta kjo është, nuk erdha të bëj çudira

9 Shtator 2022, 20:04, Sport CNA

Teuta barazoi pa gola me Kukësin në shtëpi, në ndeshjen e vlefshme për javën e katërt në Abissnet Superiore.

Pas ndeshjes për Oversport foli trajneri i Teutës, Bledi Shkëmbi, i cili tha se skuadrës së tij mungoi vetëm goli, ndërsa shtoi se është i kënaqur me atë që ekipi tregoi.

“Sot ndoshta na mungoi vetëm goli, falenderoj djemtë sepse luftuan në çdo metër dhe çdo minutë. Me lojën që zhvilluam ndryshuam edhe anën psikologjike dhe kjo është për t’u vlerësuar.

I kuqi – Na ndihmoi dalja e lojtarit kundërshtar me karton. Rastet i patëm, na rrezikuan pak dhe skuadra më pëlqeu. Shpresoj të kemi fat dhe të shënojmë në ndeshjet e ardhshme.

Gjatë gjithë kohës doja që Beqja të shkonte më përpara, Karabeci ka mënyrën e tij të lojës. Edhe unë nuk do e bëja pot ë më thoshte trajneri, Karabeci ka atë mënyrë loje. Kur vijmë nga rezultate jo të mira, edhe lojtarët janë më të kujdesshëm. Do flisnim ndryshe nëse do bënim një gol.

Ndërrimi i veshjes në pjesën e dytë – Dua të rri i veshur me këmishë, më detyruan arbitrat sepse isha me të bardhë dhe dukesha si lojtarët e Kukësit.

Teuta është kjo, nuk erdha unë dhe bëra çudira. Futbolli ka ulje-ngritje, nuk e ktheva unë këtë ekip. Miku im Arapi ka bërë mirë, merita e tij kjo ekip dhe ky sprint. Kemi një javë kohë të përgatitemi për Tiranën.

Karabeci dhe Beqja bënë mirë, por Kukësi në mesin e fushës me vëllezërit Taipi dhe Moraes të bëjnë të vuash. Boci bëri mirë. Nga ana taktike bëmë shumë mirë, atë që kishim përgatitur”, tha Shkëmbi.