E fundit!

07:07 Sociale

Kthjellime dhe vranësira të pakta/ Parashikimi i motit për ditën e sotme

Ditën e Premte vendi ynë do të mbetet nën ndikimin e masav...

Donnarumma "piketohet" nga Interi

11 Janar 2025, 21:52, Sport CNA

Gianluigi Donnarumma mund të rikthehet në Serinë A dhe këtë herë jo te Milani, por te rivalët e përbetuar të kuqezinjve, tek Interi. Sipas raportimeve nga “Sky Sport”, Interi ka shfaqur interes për Donnarumma si një mundësi për merkaton e ardhshme të verës. Edhe pse aktualisht bëhet fjalë për një thashethem dhe jo për një negociatë konkrete, ky skenar ka tërhequr vëmendje të madhe.

Donnarumma ka kontratë me PSG-në deri në vitin 2026, por duket se nuk është më në marrëdhënie të shkëlqyera me trajnerin Luis Enrique. Për më tepër, blerja e portierit rus Matvey Safonov nga PSG-ja gjatë verës për 20 milionë euro ka krijuar një situatë të vështirë për italianin. Nëse marrëdhënia mes tij dhe klubit parisien nuk përmirësohet dhe rinovimi i kontratës nuk ndodh, portieri mund të vendosë të largohet.

Interi aktualisht po kërkon stabilitet në portë dhe mund të shfrytëzojë këtë situatë. Yan Sommer, i cili pasoi Onanën, duket se ka ardhur në fund të avernturës me zikaltërit, kjo edhe për shkak të moshës së madhe. Në këtë situatë, Donaruma do të ishte një përforcim i shkëlqyer për skuadrën e Simone Inzaghit. Nëse transferimi realizohet, Donaruma do të gjente te Interi një ambient të njohur dhe disa bashkëlojtarë nga kombëtarja italiane, si Dimarco, Barella dhe Bastoni. Një tjetër figurë e rëndësishme për të është Gianluca Spinelli, trajneri i portierëve të Interit, me të cilin 25-vjeçari ka punuar gjatë periudhës së tij te PSG.

Megjithatë, për t’u rikthyer në Itali dhe për të veshur fanellën e Interit, Donnarumma do të duhet të bëjë disa sakrifica. Aktualisht, ai përfiton një pagë prej 10 milionë eurosh neto në vit, duke përfshirë bonuset, një shifër që Interi nuk mund ta përballojë. Nëse portieri do të pranojë të ulë pagën e tij, atëherë një marrëveshje mund të jetë e mundur. Përveç kësaj, PSG-ja do të kërkojë një shumë të konsiderueshme transferimi për të lënë të lirë portierin.

Donnarumma u largua nga Milani në vitin 2021 si lojtar lirë, ndërsa ka përjetuar një periudhë të ndërlikuar te PSG-ja. Edhe pse ka fituar shtatë trofe në Francë, përfshirë tre kampionate dhe një Kupë të Francës, aventura e tij në Paris nuk ka qenë gjithmonë e qëndrueshme. Ai ka qenë shpesh në qendër të kritikave për gabime vendimtare dhe për pamundësinë për të siguruar një stabilitet të plotë në portën e PSG-së.

Për më tepër, marrëdhëniet e tij me tifozët parisienë kanë qenë shpesh të tensionuara, dhe konkurrenca brenda skuadrës ka bërë që pozicioni i tij si titullar të vihet në pikëpyetje. Një kthim në Serinë A mund të jetë një hap i rëndësishëm për të rikthyer formën e tij më të mirë dhe për të gjetur stabilitetin që kërkon. Interi, nga ana tjetër, po e ndjek situatën me kujdes. Marotta është i njohur për aftësinë e tij për të përfituar nga rastet e mira në merkato, dhe një marrëveshje me Donnarummën mund të ishte një goditje strategjike për klubin zikaltër. Për më tepër, fakti që Hakan Çalhanoglu, një tjetër ish-lojtar i Milanit, ka gjetur shkëlqimin te Interi, mund të jetë një shembull frymëzues për Donarumën.