web counter
LEXO PA REKLAMA!

SHKARKO APP

App Store
Google Play

Bombë nga Spanja, madrileni Marco Asensio do të nënshkruajë për PSG-në

1 Qershor 2023, 11:44, Sport CNA

Bombë nga Spanja, madrileni Marco Asensio do të nënshkruajë

Me gjasa do të jetë rekruti i parë i Paris Saint-Germain. Ndërsa merkatoja e transferimeve ende nuk i ka hapur dyert dhe nuk dihet, se kush do ta zëvendësojë Christophe Galtier në krye të skuadrës, Luis Campos është tashmë shumë aktiv në afatin kalimtar. 

Ditët e fundit, portugezi do të kishte avancuar me dosjet e Manuel Ugarte, mesfushori i Sporting, si dhe Lucas Hernandez, francezi i Bayern Munich-ut. Por padyshim që drejtori i futbollit mund t'i befasojë të gjithë, duke kaluar edhe një ekip anglez për të realizuar goditjen e tij të parë të madhe.

Në të vërtetë, sipas informacioneve të medias spanjolle “El Chiringuito”, klubi kryeqytetas francez ka arritur marrëveshje me ndërkombëtarin spanjoll të Real Madridit, Marco Asensio. Në moshën 27-vjeçare, anësori sheh përfundimin e kontratës së tij në fund të qershorit dhe pas negociatave të gjata me drejtuesit merengue, ai ka marrë vendimin për t'u larguar. 

Së fundmi, Aston Villa dukej se mbante litarin, mirëpo gazetari Marçal Llorente në emisionin në fjalë, ka pretenduar se Asensio do të luajë për PSG-në vitin e ardhshëm. Këtë dimër, Parisi kishte provuar tashmë një qasje në sprintin final të tregut. Duket se Luis Campos nuk e kishte harruar këtë emër, i cili fare mirë mund të jetë transferimi i parë i lirë i verës në kryeqytet.

 





Lajmet e fundit nga