web counter
LEXO PA REKLAMA!

SHKARKO APP

App Store
Google Play

Bëri tatuazh emrin e Messit në ballë, por pendohet shpejt. I sjell fat të keq

31 Dhjetor 2022, 20:29, Sport CNA

Mike Jambs, një influencues kolumbian, tashmë është penduar që ka bërë tatuazh emrin e Messit në ballin e tij, në nder të kampionit argjentinas që triumfoi në Kupën e Botës së Katarit.

Përveç emrit të Messit në ballin e tij, Jambs ka bërë tatuazh edhe tri yje (aq sa titujt e botës së Albiceleste) në njërën faqe dhe D10S në tjetrën.

Shumë kritika ranë mbi Jambs, pas tatuazheve. Disa e etiketuan atë si budalla, pasi postoi një video në Instagram ku shihet duke bërë tatuazhin e çuditshëm.

Por ai fillimisht hodhi poshtë gjithçka, duke mbrojtur zgjedhjen e bërë: “Nuk po i bëj keq askujt, nuk po bëj asgjë të paligjshme”.

Megjithatë, brenda natës, tifozi kolumbian ndryshoi mendje, duke pranuar se do të dëshironte të kthehej pas në kohë: “Më vjen keq që kam bërë tatuazhin, sepse në vend që të më sillte gjëra pozitive, më krijoi shumë gjëra negative, si personale, ashtu edhe për familjen time.

Nuk e mendoja se do të pendohesha kaq shpejt, u ndjeva shumë krenar për atë që kisha bërë, por tani do të doja të mos e kisha bërë”.

Pas fitores së Argjentinës në Kupën e Botës, artistët argjentinas të tatuazheve u përmbytën me kërkesat për të përjetësuar Leo Messin. Një tifoz kishte bërë tatuazh në shpinë sulmuesin e PSG-së, por ai u bë objekt i batutës ironike. Disa kritikë e kanë cilësuar këtë tatuazh si “më të keqin ndonjëherë”.

Në foto shihet Messi me kupën, por koka e tij është shumë e madhe për trupin. Dikush shkroi: “Kur artisti i tatuazheve është një fans i Brazilit”. Një tjetër shtoi: “Duket sikur Messi më 2026 është 39 vjeç dhe mbipeshë”.





Lajmet e fundit nga