web counter
LEXO PA REKLAMA!

SHKARKO APP

App Store
Google Play

Dëmtimi i rëndë, Broja: Viti më i vështirë në jetën time, e vështirë për ta pranuar

31 Dhjetor 2022, 11:36, Sport CNA

Armando Broja ka mbyllur sezonin, për shkak të një dëmtimi të rëndë të pësuar, ku ka këputur ligamentet.

Në një postim të bërë, në mbyllje të vitit 2022, Broja shkruan se ndoshta ky është viti më i vështirë në jetën e tij, ndërsa shton se është e vështirë për t'u pranuar.

Postimi: 

Ndoshta ky është viti më i vështirë i jetës sime deri më sot. E bukura e kësaj bote është se gjithmonë ka shanse dhe mundësi që ju presin në të ardhmen. Nuk jam aspak perfekt si person apo lojtar, por përpiqem të jem versioni më i mirë i vetes çdo ditë për njerëzit që më interesojnë më shumë, por edhe për njerëzit që më shikojnë dhe presin më shumë nga unë.

Marr gëzim dhe lumturi në fushën e futbollit dhe jam mjaft me fat dhe mirënjohës që mund ta ndaj çdo ditë me ju djema. Kjo padyshim që më lëndon shumë që nuk mund të bëj punën ose sportin që na pëlqen për një periudhë të gjatë kohore.

Është gjithmonë e vështirë për t’u pranuar, por me njerëz të mirë rreth meje dhe ata pak njerëz që e bënë këtë vit më të mirë për mua, unë do të rikthehem akoma më i mirë. Jam 100% i sigurt për këtë. Edhe një herë dua të them faleminderit për mbështetjen dhe dashurinë tuaj, kjo më ndihmon gjithmonë në kohë si këto.





Lajmet e fundit nga