web counter
LEXO PA REKLAMA!

SHKARKO APP

App Store
Google Play

E fundit!

x

Benitez rikthehet në La Liga, emërohet trajner te klubi i njohur

24 Qershor 2023, 13:36, Sport CNA

Rafael Benitez u shkarkua para 18 muajsh nga Everton për shkak të rezultateve të dobta, megjithatë tashmë spanjolli është sërish i gatshëm të rikthehet në detyrë. Tekniku 63-vjeçar ka gjetur akordin me klubin e Celta Vigo-s në LaLiga, dhe pritet të zyrtarizohet së shpejti për të nisur më pas punën në fazën përgatitore teksa zëvendëson në këtë detyrë Carlos Carvalhal.

Klubi spanjoll bëri të ditur se kanë gjetur një akord paraprak me spanjollin teksa Benitez është një nga trajnerët me më shumë eksperiencë në qarkullim dhe për Celta Vigo-n konsiderohet si një “goditje” e madhe. Kujtojmë se në CV-në e Benitez janë tituj si Champions League, 2 LaLiga, Europa League, Kupa UEFA, Kupa e Botës për Klube, FA Cup apo edhe Kupa e Italisë.

Për Benitez nuk do të jetë hera e parë që merr përispër të drejtojë një klub në nivelin më të lartë në Spanjë, teksa në të kaluarën ka drejtuar Valladolid, Osasuna, Tenerife, Valencian dhe Real Madrid. Sezonin e kaluar, Celta Vigo e mbylli kampionatin në vendin e 13-të, por ishte e rrezikuar për të rënë një kategori më poshtë deri në javën e fundit, ndërsa me Benitez, drejtuesit kërkojnë ta rikthejnë skuadrën të paktën në 10-tëshen e parë të klasifikimit, edhe pse objektivi do të jetë pjesëmarrja në Europë.





Lajmet e fundit nga