web counter
LEXO PA REKLAMA!

SHKARKO APP

App Store
Google Play

Barazimi me City-n, Arteta: Jam krenar për djemtë e mi, kishim përballë skuadrën më të mirë në botë

23 Shtator 2024, 12:11, Sport CNA
Barazimi me City-n, Arteta: Jam krenar për djemtë e mi, kishim
Mikel Arteta

Për trajnerin e Arsenal-it, Mikel Arteta-n, barazimi 2-2 ndaj Manchester City-t është një rezultat i kënaqshëm.

Duke folur për mediet pas ndeshjes së javës së pestë të Premier League, trajneri i “The Gunners” theksoi se edhe nëse Trossard nuk do të ishte ndëshkuar me karton të kuq, nuk e di a do t'ia kishin dalë të fitonin, pasi sipas tij City është skuadra më e mirë në botë.

“Kemi pasur një fillim shumë të vështirë, por u rikthyem shpejt në lojë dhe morëm situatën. Kartoni i kuq ndryshoi shumë gjëra, por ne iu përshtatëm në mënyrën më të mirë të mundshme ndeshjes edhe kundërshtarit. Unë jam shumë krenar për lojtarët. A do të fitonim nëse do të luanim me 11 lojtarë? Nuk kam asnjë ide. Unë di të them se ne bëm maksimumin, dhamë gjithçka dhe e treguam edhe në situatën ku ishim. Por, mund të them se nëse në 100 ndeshje luan me një lojtar më pak ndaj City-t në 99 prej tyre do humbasësh, por ne morëm një barazim të rëndësishëm. Calafiori? Ai është një lojar i madh. Ai ka shumë karakter, jam vërtetë i impresionuar. Manchester City? Ata janë ndoshta skuadra më e mirë në botë”, -deklaroi Mikel Arteta./CNA





Lajmet e fundit nga