web counter
LEXO PA REKLAMA!

SHKARKO APP

App Store
Google Play

E pranon drejtori sportiv, një kombëtare e madhe po ndjek Jurgen Klopp-in

23 Shtator 2024, 11:39, Sport CNA
E pranon drejtori sportiv, një kombëtare e madhe po ndjek Jurgen
Jurgen Klopp

Trajneri Jurgen Klopp është objektivi kryesor i kombëtares së Gjermanisë.

Këtë lajm e ka konfirmuar edhe drejtori sportiv i kombëtares gjermane, Rudi Voller në një intervistë të dhënë së fundmi për mediat.

Voller tha se në rast se Nagelsmann largohet në të ardhmen nga Gjermania, Klopp do të ishte në krye të listës për ta zëvendësuar atë.

“Julian tani ka një reputacion në Gjermani dhe përgjatë Europës pasi ka stërvitur disa klube të mëdha. Ai e ka fituar këtë në një moshë të re dhe do të vendos vet çfarë është më e mira për të. Do ta vendosë ai nëse dëshiron të mbetet trajner i Kombëtares pas Botërorit ose nëse dëshiron që të stërvisë ndonjë klub të madh sërish”-tha fillimisht ai.

Teksa i pyetur se cili do të ishte pasuesi i Nagelsmann, në rast se ky i fundit vendos të largohet, Voller theksoi se padyshim do tentonin të kishin në krye të ekipit trajnerin Jurgen Klopp.

“Nuk e di se çfarë dëshiron Jurgen që të bëjë, por nëse Naglesmann vendos në një pikë se dëshiron të largohet, atëherë alternativa jonë e parë është padiskutim Klopp”-u shpreh Rudi Voller.

Herën e fundit kur Klopp u pyet për punën tek Gjermania ai tha se nuk mund ta marrë atë pozicion, për shkak se në atë kohë ishte te Liverpool, por tashmë gjërat kanë ndryshuar dhe tekniku gjerman është i lirë./CNA





Lajmet e fundit nga