web counter
LEXO PA REKLAMA!

SHKARKO APP

App Store
Google Play

Balaj, i bindur: Shkodra është gati për t’u shpallur kampion, ju tregoj pse zgjodha Vllazninë

16 Janar 2023, 12:50, Sport CNA

Së bashku me Mirel Josën në konferencën për shtyp në prag të duelit me Bylisin në Kupën e Shqipërisë ishte i pranishëm edhe sulmuesi shkodran, Bekim Balaj. Lojtari i Kombëtares edhe pse nuk do të debutojë ditën e nesërme, foli për herë të parë si kuqeblu që pas rikthimit të tij në Shkodër.

 “Mund t’i quaj të ngjashme me atë që kam veshur për herë të parë fanellën. Disa nuk ishin të bindur që kisha firmosur madje. Vllazninë e ndjek gjithmonë.

Këtu ka një projekt serioz që më bën pjesë dhe mua. Shkodra është gati për t’u shpallur kampion. Sulmuesi për gola merret. Shpresoj që të bëj sa më shumë, por si fillim duam titullin.

Unë vetëm dje kam bërë stërvitjen me ekipin, por do të jem gjithmonë gati. Dëshira është e madhe si çdo shkodran për të fituar titullin kampion. Fitimi i Kupës ndoshta nuk të jep më emocione.

Është herët për të thënë. Nuk kam ardhur në Shkodër për ta mbyllur. Ndoshta do ta mbyll te Vllaznia pas disa vitesh, por është herët.

Shkodra më ka dhënë shumë gjëra. Mund të më japë sërish një vend në Kombëtare. Dihet që tifozëria shkodrane i jep mbështetje Vllaznisë gjithmonë. Shpresoj që të arrijmë një fitore që ta mbushim sa më shpejtë stadiumin”, ka deklaruar Balaj.





Lajmet e fundit nga