web counter
LEXO PA REKLAMA!

SHKARKO APP

App Store
Google Play

E fundit!

x

Barcelona dhuron spektakël, e mbyll ne avantazh të dy golave pjesën e parë ndaj Real Madrid

15 Janar 2023, 20:50, Sport CNA

Real Madrid dhe Barcelona luajnë sot për trofeun e parë të vitit 2023, Superkupën e Spanjës, në ndeshjen që do të zhvillohet në “King’s Stadium” në Riad të Arabisë Saudite.

Madrilenët mundën me penallti Valencian në gjysmëfinalen e miniturneut, ndërsa Barcelona kaloi po me penallti Betisin për të siguruar një duel të ethshëm me rivalët historikë në finale.

Të dy skuadrat paraqiten me lojtarët më të mirë në fushën e lojës, me një vëmendje të veçantë për duelin mes Benzema dhe Levandovskit të cilët duan të tregoojnë se kush është më i miri mes dy numrave 9.

LIVE REAL MADRID-BARCELONA 0-2

33′ Gavi, Lewandowski 45'

KOMENTI LIVE:

45’+2′ Mbyllet me shifrat 2-0 për Barcelonën pjesa e parë e ndeshjes. 

45’ GOOOL BARCELONA! Katalanasit dyfishojnë shifrat me një kundërsulm të shpejtë ku Gavi pason për Levandovskin dhe ky i fundit nuk gabon. 2-0.

33′ GOOOL BARCELONA! Katalanasit fitojnë topin pranë zonës së Realit dhe nisin një aksion të shpejtë që finalizohet nga Gavi.

18’ Provon edhe Benzema me një gjuajtje me kokë pas një harkimi nga e majta, por nuk ia del të gjejë portën e Ter Shtegen.

14’ Shtylla shpëton Realin! Levandovski gjuan në hyrje të zonës por gjen përgjigjen e Kurtua i cili ia del të devijojë sferën në shtyllë. Pastaj është Balde i cili gjuan nga e majta por duke gabuar tërësisht shënjestër.

11’ Levandovski i afrohet golit me një goditje me kokë në zonë, por sfera kalon mbi traversën e portës madrilene.

5’ Goditje dënimi e Pedri dhe topi shkon te Arauho i cili nuk arrin të devijojë në të djathtë të portës së Kurtua.

REAL MADRID: Kurtua; Karvahal, Militao, Rydiger, Mendi; Modriç, Kros, Kamavinga; Valverde, Benzema, Vinicius.
Trajner: Karlo Ançeloti

BARCELONA: Ter Shtegen; Arauho, Kunde, Kristensen, Balde; Buskets, Gavi, De Jong, Pedri; Dembele, Levandovski.
Trajner: Çavi Hernandez





Lajmet e fundit nga