web counter
LEXO PA REKLAMA!

SHKARKO APP

App Store
Google Play

Silvinjo në Itali, trajneri i ri i Kombëtares shqiptare ndjek nga afër legjionarët

16 Janar 2023, 10:52, Sport CNA

Silvinjo në Itali, trajneri i ri i Kombëtares shqiptare ndjek nga

Një fundjavë mjaft e veçantë ishte kjo për dy nga futbollistët shqiptarë që luajnë në kampionatin italian. Kjo pasi trajneri i ekipit kombëtar, Silvinjo ka ndjekur nga afër dy nga ndeshjet e Serie A ku aktivizohen dy prej kuqezinjve. Të shtunën, trajneri brazilian ndoqi nga afër ndeshjen Inter-Hellas Verona, ku mesfushori kuqezi Kristjan Asllani u aktivizua për rreth 35 minuta.

Sakaq, të dielën, tekniku i ekipit kombëtar ndoqi ndeshjen tjetër të kësaj jave në kampionatin italian, Roma-Fiorentina, ku mbrojtësi shqiptar Marash Kumbulla u rikthye si titullar në radhët e verdhekuqve dhe luajti për 90 minuta.

Pas fitores së Romës, djaloshi kuqezi mori edhe vlerësime nga trajneri i ekipit verdhekuq, Zhoze Mourinjo, ndërsa sipas uebsajtit të specializuar për statistika, Kumbulla është vlerësuar me notën 7.3.

Ndërkaq, trajneri Silvinjo do të ndjekë edhe mbrëmjen e sotme ndeshjen tjetër të Serisë A, Empoli – Sampdoria, ku luajnë dy kuqezinjtë, Ardian Ismajli e Nedim Bajrami.

Edhe Frederik Veseli ka lënë pas dëmtimin, duke u rikthyer në fushë si titullar në radhët e Benevento-s në Serinë B, ndërsa minuta të plota ka pasur edhe për mbrojtësit e tjerë të Kombëtares shqiptare, Ivan Balliu e Elseid Hysaj.

Gardiani i portës kuqezi, Elhan Kastrati zhvilloi një ndeshje shumë të mirë në radhët e Cittadella-s në Itali, duke u vlerësuar me notën 7.9 nga ‘Sofascore’.

Pas transferimit në ekipin grek Panathinaikos, Enis Çokaj po gjen hapësirat e munguara, teksa edhe këtë fundjavë u aktivizua në fraksionin e dytë të ndeshjes kundër PAS Giannia-s. Ndërkaq, edhe Odise Roshi e Endri Çekiçi patën minutat e tyre me ekipet respektive në kampionatin turk.





Lajmet e fundit nga