web counter
LEXO PA REKLAMA!

SHKARKO APP

App Store
Google Play

Alonso prezantohet te Reali: Jam këtu falë Ancelottit

26 Maj 2025, 17:59, Sport CNA

Alonso prezantohet te Reali: Jam këtu falë Ancelottit

Xabi Alonso është prezantuar zyrtarisht si trajneri i ri i Real Madridit, duke pasuar Carlo Ancelottin në këtë detyrë.

Në konferencën e parë për shtyp, Alonso theksoi rolin e rëndësishëm që ka pasur Ancelotti në formimin e tij si trajner. Ai e cilësoi këtë hap si një rikthim në shtëpi dhe u shpreh i motivuar për sfidën që e pret. Objektivi i tij është ndërtimi i një skuadre që frymëzon tifozët dhe respekton historinë e klubit. Alonso falënderoi drejtuesit për besimin dhe premtoi angazhim maksimal.

“Jam këtu për një aventurë të re dhe me shumë energji. Sot është një ditë e veçantë për mua, e cila do të mbetet e shënuar në kalendar. Ndihem sikur po rikthehem në shtëpi, sepse lidhja ime me Real Madrid ka ekzistuar gjithmonë.

Falenderoj presidentin që mendoi se isha njeriu i duhur për të udhëhequr këtë epokë të re. Është një moment i shkëlqyer për të gjithë, po ashtu edhe familjen, pa të cilët nuk do të isha këtu. Dua të flas për rolin që po marr.

Ancelotti ka pasur një ndikim të madh tek unë. Pa mësimet e tij, nuk do të isha këtu. Shpresoj të përmbush pritshmëritë.

Kemi një ekip të shkëlqyer dhe me të ardhme të ndritur. Jam i lumtur për këtë aventurë dhe i bindur se do të arrij objektivat e vendosura te Real Madrid. Dua që tifozët të jenë krenarë dhe të thonë se ekipi u pëlqen. Nëse e bëjmë këtë, do të kemi një ekip të pandalshëm”, u shpreh Alonso.

Me një CV të pasur si lojtar dhe një aventurë të suksesshme me Bayer Leverkusenin si trajner, ai pritet të sjellë një qasje të re në pankinën madrilene.





Lajmet e fundit nga