web counter
LEXO PA REKLAMA!

SHKARKO APP

App Store
Google Play

Agjenti i Berishës: Etriti është lojtar për Serie A, Torino nuk u tregua korrekte

17 Dhjetor 2022, 18:59, Sport CNA

Portieri dhe kapiteni i Kombëtares Shqiptare, Etrit Berisha, do të ndryshojë ekip në merkaton e janarit. Vetë portieri pati deklaruar dëshirën për largim në konferencën përpara ndeshjes Shqipëri – Itali në nëntor.

Në Torino, shanset për minuta janë të vogla me trajnerin që beson shumë te serbi Milinkovic-Savic ndaj agjenti i Berishës, Federico Pastorello po shikon mundësi të tjera me Salerintanën që ndodhet më pranë.

“Merkato për portierët është shumë e vështirë pasi një klub e merr një portier vetëm në momentin kur ka nevojë. Ndërkohë, në rastin e një mbrojtësi, mesfushori apo sulmuesi, një skuadër i merr edhe për të kompletuar grupin. Kështu, situata për portierët është e ndryshme dhe rrallë ndodh që një klub të mos ketë një titullar fiks. Mendoj se nga ana teknike, Berisha meriton të luaj në Serie A.

Duhet të theksoj se sjellja e Torinos na ka surprizuar pasi sezonin e fundit Berisha luajti dhe bëri paraqitje pozitive e në këtë formë, priste që të kishte të paktën mundësinë për të rivalizuar për një fanellë titullari. Kjo nuk ndodhi dhe po punojmë të gjejmë një mundësi tjetër, të shohim nëse do të gjejmë një klubi në Itali apo edhe jashtë”, u shpreh Pastorello.





Lajmet e fundit nga