web counter
LEXO PA REKLAMA!

SHKARKO APP

App Store
Google Play

E fundit!

x

Kun Aguero "grumbullohet" me Argjentinën, akomodohet në dhomë me Mesin...

17 Dhjetor 2022, 09:10, Sport CNA

Këtë të enjte, Kun Agüero u pa i veshur me rrobat stërvitore të kombëtares së Argjentinës, duke shoqëruar stërvitjen e skuadrës dhe herë pas here duke qeshur dhe duke biseduar me ish-shokët dhe miqtë e tij. Federata Argjentinase e Futbollit (AFA), në krye me presidentin e saj Claudio 'Chiqui' Tapia, i ofroi atij mundësinë të qëndrojë me skuadrën për finalen e botës këtë të dielë kundër Francës.

Gjest respekti i skuadrës, stafit stërvitor dhe drejtuesve të federatës, për një lojtar që për rrethana fatkeqe iu desh të linte futbollin një vit më parë dhe që nëse nuk do të ishte kështu, ndoshta do të ishte pjesë e alternativave të Scalonit për 11-shen fillestare. E sigurta është se Agüero jo vetëm që do të grumbullohet, por do të akomodohet me mikun e tij të madh Leo Messi, “në dhomën e tij”.

Që kur Kun u largua nga futbolli, Leo nuk ka ndarë më kurrë dhomë me ndonjë lojtar tjetër, ndaj tani do të ketë kënaqësinë ta bëjë këtë dhe pikërisht me partneren e tij të preferuar.

Nga ana tjetër, AFA ka ftuar edhe Nicolás González, Gio Lo Celso dhe Joaquín Correa, tre lojtarë që do të hynin në listën e 26, por që si pasojë e dëmtimeve mbetën jashtë kombëtares. Në të tre rastet dhe ndryshe nga Kuni, ata do të qëndronin jashtë kampingut të ‘Alcelestëve’.





Lajmet e fundit nga