web counter
LEXO PA REKLAMA!

SHKARKO APP

App Store
Google Play

1.1 milionë euro për Skënderbeun, Peter Olayinka firmos me klubin e njohur

27 Qershor 2023, 14:46, Sport CNA

1.1 milionë euro për Skënderbeun, Peter Olayinka firmos me klubin

Peter Olayinka është një nga lojtarët që nuk harrohet lehtë nga sportdashësit shqiptarë. Nigeriani arriti të fitonte zemrat e të gjithë tifozëve shqiptarë në kohën kur mbante veshur fanellën e Skënderbeut.

Me korçarët Olayinka zhvilloi dy sezone fantastike, teksa fitoi edhe 2 kampione rresht. Tashmë 27-vjeçari do të jetë pjesë e skuadrës së Crvena Zvezdës, ndërsa sezonin e fundit ishte pjesë e Slavia Prague, ku në 37 ndeshje në të gjitha kompeticionet ka gjetur rrugën e rrjetës 17 herë, ndërsa ka asistuar për shokët në 8 raste.

Olayinka ka nënshkruar kontratë 3-vjeçare me Crvena Zvezdën dhe me një vit tjetër mundësi rinovimi. Kujtojmë se nigeriani në vitin 2017 u shit nga Skënderbeu te Gent ku korçarët fituan 1.1 milionë euro, ndërsa ruajtën dhe 15% të kartonit të 27-vjeçarit.

Deri në janarin e këtij viti do të ishte shitja më e shtrenjtë nga kampionati shqiptar, por tashmë Xhuliano Skuka që u shit nga Partizani te Metz në  Francë është në “Pole – Position”, gjithsesi Olayinka nuk harrohet lehtë.

Peter Olayinka
Peter Olayinka




Lajmet e fundit nga