web counter
LEXO PA REKLAMA!

SHKARKO APP

App Store
Google Play

10 vite nga ngritja e flamurit AUTOCHTHONOUS në Beograd, aty ku Kombëtarja luftoi me shpirt për Shqipërinë

14 Tetor 2024, 11:28, Sport CNA
10 vite nga ngritja e flamurit AUTOCHTHONOUS në Beograd, aty ku
AUTOCHTHONOUS

Më 14 tetor 2014 kombëtarja shqiptare e futbollit zbarkoi në Beograd, aty ku do të luhej ndeshja e vlefshme për Europianin “Francë 2016”.

Ndeshja mes tensioneve, por ishte minuta e 42’ kur takimi që po luhej në Stadiumin e Partizanit të Beogradit u ndërpre.

Një banderolë me hartën e Shqipërisë së madhe, ku shkruhej “AUTOCHTHONOUS” dhe që kishte dy figurat që shpallën pavarësinë e Shqipërisë më 28 nëntor 1912, Ismail Qemalin dhe Isa Boletinin, u ngrit nga Ballist Morina me dron në stadiumin e Beogradit në zemër të Serbisë.

Episod që u shoqërua me tensione dhe dhunë të frikshme, nga tifozeria vendase, por edhe nga lojtarët serb kundrejt ekipit të Shqipërisë.

Me djemtë “KUQEZI” që u shfaqën sypatrembur për të mbrojtur flamurin e Shqipërisë së Madhe.

Kapiteni Lorik Cana, Taulant Xhaka, Andi Lila dhe i gjithë delegacioni i Kombëtares “kuqezi” u përleshën për të mbrojtur atë banderolë që përfaqësonte gjithë Shqipërinë.

Ndeshja u ndërpre ndërsa përfaqëusesit e Shqipërisë erdhën në atdhe pas disa orëve të frikshme të kaluara në Serbi.

Pas disa ditëve UEFA, për episodet e dhunës që ndodhën në Beograd, i dha Shqipërisë fitoren 0-3 në tavolinë.

Këto kualifikuese do të ishin njëkohësisht një moment historik për Kombëtaren edhe për faktin që Shqipëria do siguronte për herë të parë pjesëmarrjen në një Europian, në atë të Francës 2016, për të mbushur me gëzim zemrat “kuqezi” kudo në botë./CNA





Lajmet e fundit nga