web counter
LEXO PA REKLAMA!

SHKARKO APP

App Store
Google Play

E fundit!

x

Liga e Kombeve/ Austria shkatërron Norvegjinë, Greqia bind ndaj Irlandës

13 Tetor 2024, 22:45, Sport CNA
Liga e Kombeve/ Austria shkatërron Norvegjinë, Greqia bind ndaj
Austria, Burimi:Flashscore

Austria e bën Norvegjinë të shikojë “makthe” në Linz, me ndeshjen e katërt të Ligës së Kombeve që u mbyll me rezultatin 5-1.

Për vendasit realizoi Arnautovic në minutën e 8’, ndërsa ishte po ai që realizoi golin e dytë në minutën e 49’, por këtë herë me penallti. Më tej, për austriakët rrugën drejt rrjetës e gjetën edhe Lienhart në minutën e 58’, Posch në të 62’ dhe Gregoritsch në minutën e 71’.

Ndërsa për norvegjezët shënoi vetëm Sorloth në minutën e 39’.

Pas këtij takimi, Austria renditet në vend të dytë të Grupit 3 në Ligën B me shtatë pikë, teksa po me shtatë pikë Norvegjia kryeson renditjen.

Greqia bindi me fitoren 2-0 ndaj Irlandës në shtëpi. Golat për skuadrën greke i realizuan Bakasetas në minutën e 48’ dhe Mantalos në minutën e 90+2’.

Pas këtij takimi, Greqia kryeson renditjen e Grupit 2 në Ligën B me 12 pikë, teksa Irlanda renditet në vendin e tretë me tre pikë.

Ishujt Faroe dhe Letonia ndanë pikët në barazimin 1-1, në këtë raund.

Për vendasit shënoi Sorensen në minutën e 40’, teksa për miqtë realizoi Sits në minutën e 69’.

Ishujt Faroe renditen në vendin e fundit të Grupit 4 në Ligën C me tre pikë, teksa Letonia në vendin e tretë me katër pikë./CNA





Lajmet e fundit nga