E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Zjarri në Trebinjë/ Familja prej 5 anëtarësh mbetet e pastrehë

8 Korrik 2025, 15:40, Sociale CNA

Zjarri në Trebinjë/ Familja prej 5 anëtarësh mbetet e

Një familje prej 5 anëtarësh në Trebinjë të Pogradecit mbeti e pastrehë pasi flakët e zjarrit përfshinë banesën e tyre mbrëmjen e së hënës. Për pasojë, e gjithë banesa bashkë me orenditë dhe çdo send personal të familjarëve u shkrumbuan. Pavarësisht ndërhyrjes së zjarrfikësve, por edhe banorëve të lagjes ‘Qosollë’, banesa u dogj tërësisht. Fatmirësisht nga flakët masive të zjarrit nuk pati të lënduar.

Agron Qose, kryefamiljari, tregon se gjithçka nisi me një kërcitje në çati, si pasojë e një shkëndije elektrike dhe më pas e gjithë banesa u përfshi nga flakët në pak sekonda.

Zjarri në Trebinjë/ Familja prej 5 anëtarësh mbetet e

“Rreth orës 4, ishim në shtëpi brenda me gjithë gruan. Dëgjuam një kërcitje, por nuk ia vumë veshin, vetëm kur erdhi një komshi dhe na thirri: 'Dilni se u dogjët!'. Kur për 5 minuta ra çatia përdhe, ranë tavanet dhe s'mundëm dot të shpëtojmë asgjë prej gjëje. Erdhi zjarrfikësja, por nuk patën mundësi të bënin shumë, bile njëri zjarrfikës u aksidentua duke fikur zjarrin sepse u rrëzua kur punonte”,-tregon Qose.

Teksa të pestë anëtarët e familjes mbetën pa çati mbi tokë, tashmë shpresa e tyre e vetme është shteti, pasi të gjitha kursimet e tyre të jetës i kishin futur në ndërtimin e shtëpisë. Kryetari i Bashkisë Pogradec, Ilir Xhakolli, teksa vizitoi familjen, tha se bashkia do të bëjë të gjitha përpjekjet ligjore për ringritjen e banesës së djegur.

Zjarri në Trebinjë/ Familja prej 5 anëtarësh mbetet e

“Agron, shyqyr që nuk ka ndodhur dëme në njerëz dhe bagëti. Unë prandaj jam sot këtu me grupin e emergjencave, do të mbajmë shënime dëmet dhe brenda ligjit do të bëjmë të mundur që të ta ringremë shtëpinë. Të uroj gjithë të mirat, Zoti të dhëntë shëndet, pasi të tjerat do të rregullohen”,-tha Xhakolli.

Momentalisht familja Qose është duke u strehuar tek të afërmit në fshat, ndërsa kanë nevoja urgjente për veshmbathje dhe ushqime bazë./CNA