web counter
LEXO PA REKLAMA!

SHKARKO APP

App Store
Google Play

Vranësira dhe reshje shiu në pjesën më të madhe të vendit/ Moti për ditën e sotme

26 Mars 2026, 07:14, Sociale CNA

Vranësira dhe reshje shiu në pjesën më të madhe të

Ditën e sotme vendi ynë do të ndikohet nga kushte atmosferike të paqëndrueshme.

Sipas SHMU, moti parashikohet me alternime kthjellimesh dhe vranësira të cilat gradualisht do të vijnë në shtim, në mbrëmje mot kryesisht i vranët.

Reshjet e shiut parashikohet të bëhen prezente në orët e mëngjesit në ekstremin verior të vendit, por me intensitet të ulët. Gradualisht pas orëve të mesditës dhe kryesisht pasdite reshjet e shiut parashikohet të shtrihen në pjesën më të madhe të vendit me intensitet kryesisht të ulët.

Në orët e mbrëmjes reshjet e shiut përgjatë zonave bregdetare dhe Ultësirës Perëndimore parashikohen të fitojnë intensitet deri mesatar, hera-herës reshje shiu në formën e shtrëngatave afatshkurtra.

Në zonën e Alpeve, në verilindje - lindje – juglindje në lartësitë mbi 900-1000 metër reshje dëbore me intensitet të ulët deri mesatar, në zonën e Alpeve dhe në relievet e larta malore në periudha afatshkurtra stuhi dëbore.

Era do të fryjë me drejtim juglindje - jugperëndim me shpejtësi mesatare 9 m/s, e cila hera-herës pritet të fitojë shpejtësi deri 18 m/s.

Valëzimi në detet Adriatik dhe Jon do të jetë i forcës 3-6 ballë./ CNA





Lajmet e fundit nga