web counter
LEXO PA REKLAMA!

SHKARKO APP

App Store
Google Play

E fundit!

x

"Së bashku kundër vetmisë"/ Aktivitet sensibilizues për Sindromën Down në qendrën "Jonathan"

21 Mars 2026, 17:09, Sociale CNA

Qendra Jonathan në Tiranë ka zhvilluar një aktivitet sensibilizues me temë “Së Bashku Kundër Vetmisë” në kuadër të 21 Marsit, Ditës Botërorë të Sindromës Down.

Aktiviteti u zhvillua në ambjentet e kësaj qendre, e cila zgjati për rreth 2 orë nga ora 12:00 deri në 14:00, me pjesëmarrjen e fëmijëve, familjarëve, komunitetit, bizneseve dhe partnerëve të qendrës.

Festimet me moton “Zbulojmë ngjyrat e jetës pas një kromozomi shtesë” sollën një atmosferë ndryshe shoqëruar me recitale, kërcime dhe organizimeve të tjera të bukura, duke krijuar jo vetëm një përfshirje të gjerë të të pranishmëve, por edhe duke përcjellë një mesazh të qartë kundër izolimit social, me synimin e ndërgjegjësimit dhe përfshirjen në shoqëri për personat me Sindromën Down.

Të bëhesh pjesë e një komuniteti të madh e të kujdesshëm, shenja dalluese e të cilit është aftësia jonë për t'iu afruar njëri-tjetrit, për të qeshur dhe për të qarë, për të ndarë informacione dhe për të ndihmuar njëri-tjetrin në një rrugë që, nganjëherë, duket e pamundur e gjatë dhe e vështirë, e megjithatë në fund është mrekullisht shpërblyese.

Çdo vit, në këtë ditë, zëri i personave me këtë sindromë dhe i personave që jetojnë apo punojnë me ta, bëhet më i fortë. Në këtë ditë, organizmat që punojnë me këtë çështje organizojnë dhe marrin pjesë në aktivitete që synojnë rritjen e ndërgjegjësimit të publikut për përfshirjen dhe mbështjetjen në shoqëri për personat me sindromën Down. /CNA





Lajmet e fundit nga