web counter
LEXO PA REKLAMA!

SHKARKO APP

App Store
Google Play

E fundit!

x

“Tradita te ne mbahet me dhunë!”/ Sociologu Tushe, për tragjedinë në Klos: Familja e shkolla s’kanë funksion

13 Tetor 2022, 11:56, Sociale CNA

“Tradita te ne mbahet me dhunë!”/ Sociologu Tushe, për

Sociologu Gëzim Tushe ka komentuar masakrën e djeshme që ndodhi në Klos ku u shënuan tri viktima.

I ftuar në “Breaking” në "Top News", Tushe ka thënë se krimi në shoqërinë shqiptare po shtrihet cep më cep, dhe se zgjidhja e problemeve po vjen përmes dhunës dhe forcës.

“Shoqëria e Shqipërisë ka marrë pamjen e një spitali psikiatrik. Te ne fitorja arrihet me forcë, tradita te ne mbahet me dhunë!

Nëse është e vërtetë që policia ka pasur informacion për tensionet mes personave të përfshirë në ngjarjen në Klos dhe nuk ka ndërhyrë, atëherë duhet të mbajë përgjegjësi.

Babai i vajzës duhet ta zgjidhte këtë çështje me gjakftohtësi, pa pasur viktima”, është shprehur sociologu.

Sipas tij, çmimi i jetës ka rënë shumë, krimi është zgjeruar jashtë mase, përveç varfërisë.

Po në të njëjtën kohë, sipas sociologut kanë dështuar edhe shkolla edhe familja që formësojnë një human.

“Dy institucione janë për të formuar një human, familja dhe shkolla. Ku një fëmijë fillon të bëhet kriminel, janë të formimit dhe të parandalimit.

Përgjegjësia e familjes dhe e shkollës për kulturë ka rënë. Pa dikutim policia ka përgjegjësinë e saj, por nuk ka lidhje me formimin edukativ dhe prindërimin. S’ka autoritet familjar, është një gjendje shumë shqetësuese.

Kultura e krimit, që krimi zgjidhet me forcë apo se jeta moderne është e tillë, dhe ka indiferencë sociale, po e kriminalizon shoqërinë”, është  shprehur Tushe.





Lajmet e fundit nga