web counter
LEXO PA REKLAMA!

SHKARKO APP

App Store
Google Play

E fundit!

x

Problemi me ujin e pijshëm/ Banorët e Postribës: Nëse nuk zgjidhet ligjërisht, do t'i rikthehemi Kanunit

10 Shtator 2025, 14:31, Sociale CNA

Problemi me ujin e pijshëm/ Banorët e Postribës: Nëse nuk

Banorët e Postribës, pasi kanë protestuar disa herë dhe bllokuar rrugët për shkak se nuk kanë gjetur zgjidhje për problemin e tyre të hershëm me ujin e pijshëm, u janë rikthyer takimeve me pushtetarët vendorë. Për të tretën herë radhazi, ata kanë marrë premtim për zgjidhje. Një gurore që kryen shpërthime në mal, sipas banorëve, ka dëmtuar ujësjellësin e disa fshatrave e nëse Bashkia Shkodër nuk do të gjejë zgjidhje, thonë se do t'i drejtohen Kanunit.

“Është e treta herë që vijmë te bashkia. Na thirri vetë kryetari sepse që në 2018 kemi probleme me ujin e pijshëm. Shpresojmë që do të rregullohet tani sepse ai na premtoi vetë. Kërkuan largimin e guroreve që ndotin ujësjellësin sepse që nga ardhja e guroreve, uji është i papijshëm. Afat nuk na caktoi, por shpresojmë që të rregullohet sepse ai ka mundësi për të vepruar”,-tha një banor.

“Jemi ankuar kudo. Problemi është gurorja. Në çdo ditë shi, gurorja ndot dhe na sjell ujë jo të pijshëm. Na premtoi se do të rregullohet, nëse ai nuk na rregullon, ne do të përdorim Kanunin sepse e paguajmë ujin. Gurorja nuk lejohet në atë pjesë që është”,-shprehet banori.

Që prej vitit 2018, banorët e Postribës kanë ngritur zërin, por asnjë institucion nuk ka reaguar. Për ta heqja e gurorës në zonë është emergjente për rikthimin e ujit të pijshëm./CNA





Lajmet e fundit nga