web counter
LEXO PA REKLAMA!

SHKARKO APP

App Store
Google Play

“Krimi, si bukë e përditshme”/ Sociologu: Motive të larmishme, po shfaqen “lagjet e vesit”

10 Shtator 2025, 09:50, Sociale CNA

“Krimi, si bukë e përditshme”/ Sociologu: Motive të

Sociologu Gëzim Tushe e cilëson si infeksion qytetar shkallën e kriminalitetit në vend.

Në një intervistë në "A2CNN", Tushe tha se këto raste janë kthyer në ngjarje normale nga e përditshmja, nga motive të larmishme.

Sipas sociologut, familja dhe shkolla duhet të bashkëveprojnë në këtë situatë me shtetin aleat.

“Shkalla e kriminalitetit në vend po vjen duke u rritur, është bërë si bukë e përditshme. Kjo tregon që në Shqipëri po rritet shkalla e neurotizmit dhe krimi po bëhet banal. Motivet e krimit janë të larmishme; me probleme pronësie, konflikte të ndryshme, krimi brenda familjes, krimi i adoleshentëve. Duket sikur ky kazan i shoqërisë shqiptare po vlon dhe po realizohet një lloj parashikimi i bërë nga filozofët që breznitë po përkeqësohen dhe krimi ka filluar të bëhet dominant dhe po tenton që të na dominojë.

Krimi kërkon të na adoptojë. Kriminelët kanë busull të fortë, e kuptojnë dhe rritet kriminaliteti kur shteti është i zbutur dhe indiferenca qytetare është rritur, ku denoncimi qytetar ulet, reagimi qytetar nuk është kështu, kur shoqëria civile nuk bën detyrat, kur edukimi në familje e shkollë për të edukuar qytetarin dhe jo këtë bishën njerëzore, që i merr jetën shokut, babait, etj. Shëndeti i shoqërisë është bllokuar. Kriminaliteti është infeksioni më i madh qytetar dhe nuk përballohet vetëm nga policia. Nëse familja dhe shkolla nuk luajnë rolin, policia nuk është e fortë, atëherë përballimi i krimit do të jetë i vështirë. Nuk e përballon dot i vetëm shteti krimin në këtë shoqëri, por kërkon aleatët, ndryshe indiferenca dhe siguria e budallait që në shoqërinë tonë është përhapur.

Kanë filluar të shfaqen lagjet e vesit, ku përdoret droga në mënyrë masive, ku gëlon droga, alkooli, prostitucioni. Ajo është e përhapur në mënyrë kapilare në të gjithë shoqërinë, por ka koncentrate. Policia duhet ta dijë që në këtë zonë ushtrohet prostitucion i paligjshëm apo këtu është një vend ku përdoret droga. Kjo duhet hartëzuar dhe pastaj shteti ka nevojë për aleatët e vet në këtë çështje. Tani shteti është i butë, nuk duhet të lejojë të shkelet ligji, por të forcohet”,- tha Tushe./CNA





Lajmet e fundit nga