web counter
LEXO PA REKLAMA!

SHKARKO APP

App Store
Google Play

E fundit!

x

Pasditja “largon” shiun/ Pritet përmirësim i kushteve të motit

14 Tetor 2022, 08:08, Sociale CNA

Pasditja “largon” shiun/ Pritet përmirësim i kushteve

Pjesa e parë e ditës do të jetë nën mbizotërimin e vranësirave, të cilat do të sjellin reshje shiu, ku herë pas here do të jenë dhe në formën e rrebesheve.

Pritet që reshjet të jenë më të fokusuara në zonat jugore dhe qendrore. Ndërsa pjesa e dytë e ditës do të sjellë përmirësim gradual të kushteve të motit.

Temperaturat e ajrit do të vijojnë të ulen në mëngjes dhe ndjeshëm në mesditë duke luhatur vlerat ditore nga 5°C deri në 21°C.

Era do të fryjë mesatare dhe e fortë me shpejtësi 45 km/h nga drejtimi verilindor duke krijuar në brigjet detare dallgëzim mbi 3 ballë.

Ndërsa nesër me 15 tetor 2022, sipas MeteoAlb, vendi ynë parashikohet të përfshihet nga kushte të qëndrueshme atmosferike në të gjithë territorin përgjatë gjithë ditës.

Pritet të ketë alternime kthjellimesh dhe vranësirash kalimtare, të cilat më të dukshme do të jenë në zonat malore pas mesdite. Ndërsa kthjellimet do të jenë më prezente në ultësirën perëndimore.

Temperaturat e ajrit do të ulen në mëngjes, por do të rriten në mesditë duke luhatur vlerat ditore nga 4°C deri në 23°C.

Era do të fryjë e lehtë dhe mesatare me shpejtësi 35 km/h nga drejtimi verilindor duke krijuar në det dallgëzim mbi 2 ballë./CNA.al





Lajmet e fundit nga