web counter
LEXO PA REKLAMA!

SHKARKO APP

App Store
Google Play

Historia e trishtë e Vekos, 40-vjeçares që humbi shikimin dhe u rrit jetime

13 Tetor 2024, 16:26, Sociale CNA
Historia e trishtë e Vekos, 40-vjeçares që humbi shikimin dhe u
Veko

Një histori e trishtë është ajo e Vekos, 40-vjeçares nga Berati, e cila nuk mund të shohë.

Veko nuk e njohu kurrë nënën e saj, ndërsa babain e takoi vetëm kur ishte 17 vjeçe.

“Kam lindur me shikim të kufizuar, qoftë edhe me shikim 0, pra nuk arrij të shikoj asgjë, por arrita përmes intuitës, përmes shkollës, përmes punës që të bëhem pjesë e kësaj Tirane të madhe dhe e formësova jetën time.

Në fakt, nënën time nuk arrita ta njoh. Babain tim arrita ta njoh kur isha 17 vjeç, kreva shkollën 8-vjeçare te instituti…

Unë jam rritur në fakt sa te instituti që shkollohesha dhe pushimet verore, pushimet e Vitit të Ri i kaloja në Shtëpinë e Fëmijës në Tiranë”, rrëfeu ajo te “E diela shqiptare”.

Shikimin Veko e humbi rreth moshës 2-3 vjeçare për shkak të një djegieje dhe pavarësisht provave për ta rikthyer, ishte e pamundur.

Veko tregoi se në moshën 6-vjeçare u njoh me Mondën dhe Maksimin, të cilët mundën të gjenin babin biologjik të saj dhe dy motrat.

“Nuk kam lindur kështu. Kam pësuar një djegie, kështu flitet.

Po, kur isha e vogël. Teta Monda dhe xhaxhi Maksi pastaj u përpoqën shumë dhe një njeri tjetër që unë nuk do të harroj ta përmend sa të kem jetën time është doktoresha Xhanet Gudoll e cila ka qenë pediatre dhe jeton në Angli. Sot është 94 vjeçe. Mundësoi që unë të shkoja në Angli dhe të rregulloja disi atë dëm që ishte bërë. 2-3 vjeçe kur ndodhi kjo. Nga ai moment nuk pashë më”, deklaroi Veko./ CNA





Lajmet e fundit nga