web counter
LEXO PA REKLAMA!

SHKARKO APP

E fundit!

x

Gjinekologu ngre shqetësimin/ “8-10% e fëmijëve në Shqipëri lindin prematurë”

4 Korrik 2023, 08:53, Sociale CNA

Gjinekologu ngre shqetësimin/ “8-10% e fëmijëve në

Astrit Bimbashi, obstetër gjinekolog, tha se rreth 8-10% e fëmijëve, jo vetëm në Shqipëri, por në të gjithë botën lindin prematurë.

Gjatë një interviste televizive mjeku u shpreh se këto shifra nuk kanë ndryshuar që prej 30 vitesh në Shqipëri.

“Numri i lindjeve prematurë thuajse nuk ka lëvizur në 30 vitet e fundit. Shkojnë 8 deri në 10%, jo vetëm këtu, por në të gjithë botën. Pavarësisht përpjekjeve që ky numër të ulej, nuk u ul ndaj filluan përpjekjet për të mbajtur gjallë fëmijët prematurë”, - tha Bimbashi.

“Kushtet që sjellin prematuritetin do vazhdojnë të jenë sepse patologjitë janë po ato që kanë qenë, preeklampsia, plasja e parakohshme e membranave, ndaj bota përgatitet për të pasur një teknologji të përshtatshme për të mbajtur gjallë këto bebe, meqë nuk e parandalon dot as preeklamsin e as plasjen para kohe të membranave.

Dy janë arsyet kryesore, fillimi i aktivitetit të lindjes parakohe, për këtë jemi komplet të paaftë ta kontrollojmë, kjo nuk ka lidhje me moshën, por me një grup problemesh të cilët mund ta shkaktojnë, nga ana tjetër janë shkaqet jatrogjene që i shkaktojnë mjekët për të shpëtuar jetën e nënës”, - shtoi mjeku gjinekolog./ CNA





Lajmet e fundit nga