web counter
LEXO PA REKLAMA!

SHKARKO APP

App Store
Google Play

E fundit!

x

Temperatura të larta/ Parashikimi i motit për të gjithë javën

3 Korrik 2023, 07:23, Sociale CNA

Temperatura të larta/ Parashikimi i motit për të gjithë

Edhe për këtë javë që presim përpara vendi ynë do të vijojë te jetë nën ndikimin e kushteve atmosferike relativisht të qëndrueshme. Thënë kjo pasi edhe pse ndodhemi në muajin korrik (për pak ditë në pikun e verës) sipas hartave meteorologjike të projektuara ditët e mirëfillta me diell dhe temperatura të larta janë ende larg.

Megjithatë sic u përmend edhe më lart, vendi do të ndikohet nga kushte (në tërësi) relativisht të qëndrueshme atmosferike. Moti parashikohet për të gjithë javën me kthjellime, por duke filluar nga orët e mesditës deri ato të pasdites vonë do të ketë shtim vranësirash mesatare dhe hera-herës deri të dendura. Vranësirat e dendura do të jenë të përqendruara kryesisht në relievet kodrinore dhe malore të vendit.

Këto vranësira në këto zona do të shoqërohen me reshje shiu me intensitet të ulët dhe lokalisht deri dhe mesatar. Për shkak të rrezatimit të fortë diellor kombinuar me lagështirën në ajër reshjet konvektive të kësaj periudhe në disa zona do të jenë edhe në formën e rrebesheve dhe shtrëngatave të rrëmbyeshme. Këto reshje zakonisht shoqërohen edhe me shkarkesa të forta elektrike dhe breshër.

Për adhuruesit e plazhit përgjatë vijës bregdetare (por edhe pjesërisht ultësira perëndimore) moti parashikohet kryesisht i kthjellët e vranësira të pakta kalimtare. Gjithashtu edhe temperaturat në mesditë do të mbeten në vlerat 32-34 gradë celsius pavarësisht vranësirave dhe reshjeve të mesditës dhe pasdites./ CNA





Lajmet e fundit nga