web counter
LEXO PA REKLAMA!

SHKARKO APP

App Store
Google Play

E moshuara u gjet e pajetë në banesë/ Flet fqinja: Jetonte në kushte të vështira, djalin e kishte në burg

8 Dhjetor 2025, 12:01, Sociale CNA


Një ngjarje e rëndë u shënua këtë të hënë në Korçë, ku një 70-vjeçare u gjet e pajetë brenda banesës së saj dhe sipas dyshimeve të para, mund të ketë ndërruar jetë disa ditë më parë.

Fqinja e së moshuarës ka ndarë disa detaje të dhimbshme nga jeta e 70-vjeçares, e identifikuar si Bajame Memetali.

Fqinja tregoi se e moshuara kishte probleme të shumta shëndetësore dhe jetonte në kushte të vështira prej situatës ekonomike dhe familjare.

 “U shqetësuam se nuk e kishim parë dhe hymë në shtëpi disa fqinjë. E pamë që kishte ndërruar jetë. Ajo jetonte vetëm, djalin e kishte në burg, bashkëshorti kishte ndërruar jetë dhe nuk kishte njeri tjetër këtu. Një motër e kishte në Tiranë, por ajo vinte rrallë ta shihte. Kishte probleme shëndetësore, pasi disa kohë më parë ishte rrëzuar nga kati i 4-t dhe nuk dilte dot nga shtëpia. Jetonte në kushte të vështira”,-tregoi fqinja.

Nga këqyrja paraprake e trupit të viktimës nuk janë konstatuar shenja dhune.

Pritet që trupi t’i nënshtrohet ekspertizës mjekoligjore për të zbardhur shkakun e vdekjes./CNA

 





Lajmet e fundit nga