web counter
LEXO PA REKLAMA!

SHKARKO APP

App Store
Google Play

E fundit!

x

Pse mjekët shohin thonjtë dhe çfarë tregojnë ata për shëndetin tuaj?

18 Janar 2023, 09:14, Shëndeti CNA

Pse mjekët shohin thonjtë dhe çfarë tregojnë ata

Gjatë një vizite të zakonshme mjekësore, ju mund të keni pyetur veten se përse mjeku ju sheh gjithmonë nga thonjtë, dhe çfarë është duke kërkuar saktësisht ai atje. Në fakt thonjtë janë një tregues i mirë i shëndetit tonë të përgjithshëm, dhe disa veçori në to mund të jenë shenja të sëmundjes dhe funksionimit të organeve.

Ekzistojnë një sërë sëmundjesh, të cilat mund ta ndërpresin rritjen e thonjve tuaj, nga dështimi i funksionimit të veshkave deri te pneumonia. Shumica vijnë me simptoma të tjera të dukshme, të cilat ka të ngjarë të vërehen përpara efektit të tyre te thonjtë. Por kontrolli i thonjve është një tregues i parë i mirë i dukshëm i kushteve për profesionistët e mjekësisë.

Ndryshimet në thonjtë tuaj mund të ndodhin përmes dëmtimit të vetë thoit, dhe ndryshimeve normale që mund të ndodhin te thonjtë tuaj, si për shembull kreshtat vertikale që bëhen më të dukshme me kalimin e moshës. Megjithatë, ndonjëherë ndryshimet mund të jenë për shkak të një problemi shëndetësor serioz.

“Një ndryshim i ngjyrës së thonjve tuaj kërkon vëmendje, sidomos nëse thonjtë tuaj nisin të zverdhen, marrin ngjyrën e kuqe, apo nëse shfaqen vija ose pika ngjyrash”- thotë dermatologu Daun Dejvis për “Mayo Clinic”.

Pse mjekët shohin thonjtë dhe çfarë tregojnë ata

“Ndryshimet e ngjyrës mund të jenë rezultat i mykut të thonjve. Por në disa raste, ato mund të jenë një shenjë e kancerit të lëkurës. Problemet shëndetësore si sëmurja e mëlçisë dhe problemet me veshkat, mund ta ndryshojnë gjithashtu ngjyrën e thonjve, duke i kthyer thonjtë të bardhë ose të verdhë në majën e tyre”- shton ai.

Ndryshime të tjera, si për shembull lakimi i pazakontë i thonjve, i njohur si “kurba”, mund të tregojë nivele të ulëta të oksigjenit në gjak, ndoshta si rezultat i sëmundjeve të mushkërive, si dhe sëmundjeve të zemrës dhe problemeve të mëlçisë.

Ndërsa thonjtë rriten me rreth 3.47 milimetra në muaj, dhe thonjtë e këmbëve 1.62 milimetra në muaj, është gjithashtu e mundur të krijohet një ide e përafërt se kur një pacient ka pasur një sëmundje akute. Kur jeni të sëmurë - le të themi me një infeksion serioz apo temperaturë - trupi juaj nuk i jep përparësi rritjes së thonjve.

Vijat e Beau - një nga ndryshimet më të zakonshme te thonjtë e njerëzve - janë kreshta horizontale që kalojnë në të gjithë thoin tuaj, të shkaktuara nga kjo pauzë në rritjen e thonjve.

Zbuloni se sa larg janë këto vija, dhe mund të krijoni një ide të përafërt se kur një pacient ka pasur një sëmundje akute, apo edhe nëse ka pasur sëmundje të përsëritura (që shkaktojnë vija të shumta), të cilat tregojnë ekzistencën e sëmundjeve kronike.

Ndërsa ato mund të shkaktohen nga goditja e thonjve ose infeksionet rreth majave të gishtave, mund të jenë gjithashtu një shenjë e sëmundjes serioze, veçanërisht nëse shihen te shumë nga thonjtë. Vetë vijat janë të padëmshme dhe zhduken kur largohet vetë shkaku i daljes së tyre, megjithëse mund të duhen disa muaj që ato të rriten plotësisht.

Megjithëse shumica e ndryshimeve në thonjtë tuaj janë të padëmshme apo të shkaktuara nga lëndime të lehta të vetë thonjve, nëse keni ndryshime tek ato, mund t'ia vlejë që të diskutoni me mjekun tuaj, në rast se ato janë një simptomë e ndonjë sëmundjeje të njohur apo të panjohur.

Përkthyer nga CNA.al





Lajmet e fundit nga