web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu, në Spitalin e Traumës: 100 ekipe të urgjencës në terren, ekipet mjekësore për shërbim 24 orë në ditët e festave

31 Dhjetor 2022, 12:43, Shëndeti CNA

Manastirliu, në Spitalin e Traumës: 100 ekipe të urgjencës

Nga Spitali Universitar i Traumës, Ministrja e Shëndetësisë dhe Mbrojtjes Sociale Ogerta Manastirliu tha se të gjitha strukturat e shëndetësisë do të jenë në gatishmëri 24 orë në natën e ndërrimit të viteve dhe gjatë ditëve të para të 2023-shit.


“Masat që kemi marrë për të qenë në gatishmëri jo vetëm përgjatë natës së ndërrimit të viteve por deri më datë 4 janar, me përforcimin e ekipeve mjekësore, në mënyrë që të përballojmë çdo emergjencë që mund të ketë. Qendra Kombëtare e Urgjencës Mjekësore do të ketë 100 ekipe në terren në qendrat e qyteteve ku do të ketë festa. Gatishmëria do të jetë edhe për Njësinë e Helikopterëve por edhe për të gjitha strukturat tona të spitaleve kudo në vend. Do të kemi organizim të përforcuar këtu në Spitalin e Traumës për ditët e festave”, tha Manastirliu, duke falënderuar ekipet mjekësore që do të jenë në detyrë në këto ditë festash.
 
Spitalet Universitare, Spitalet Rajonale dhe shërbimet spitalore në çdo zonë kanë marrë masat për sigurimin e shërbimit të urgjencës mjekësore 24-orëshe, nga datat 31 dhjetor 2022 deri 4 janar 2023. Përveç sigurimit të shërbimit 24 orë, janë garantuar barnat dhe materialet mjekësore të nevojshme për ofrimin e ndihmës mjekësore urgiente si dhe sigurimin e gatishmërisë së transportit mjekësor me autoambulancë për të sëmurë që kanë nevojë për këtë shërbim".


Qendra Kombëtare e Urgjencës Mjekësore ka marrë masat për të siguruar gatishmërinë dhe përgjigjur çdo thirrjeje për ndihmë mjekësore.





Lajmet e fundit nga