web counter
LEXO PA REKLAMA!

SHKARKO APP

App Store
Google Play

E fundit!

x

Videoja që Berisha nuk do të donte ta shikonte sot

14 Qershor 2023, 14:21, Politikë CNA

Videoja që Berisha nuk do të donte ta shikonte sot

Ish-kryeministri Sali Berisha e ka kundërshtuar dhe e ka quajtur një manovër të kryeministrit Edi Rama rikthimin e Lulzim Bashës, i cili duket se kërkon të drejtojë sërish partinë pas dështimeve të njëpasnjëshme.

Berisha doli kundër Lulzim Bashës në momentin që ai e përjashtoi nga PD-ja, pasi SHBA-ja e kishte shpallur "non grata", duke nisur kështu dhe një “luftë” kundër tij.

Berisha me Foltoren “asgjësoi krijesën e tij”. Pas dështimit në zgjedhjet e pjesshme vendore, Basha bëri gjoja sikur u dorëhoq nga kryetar i PD-së duke emëruar të komanduarin e tij, Enkelejd Alibeajn, i cili u kujdes të vijonte misionin.

Vetë Basha, pas rikthimit deklaroi se nuk ishte dorëhequr, por kishte qëndruar në prapaskenë.

Por nëse kthehemi pas në kohë, një video e 10 viteve më parë, të cilën me siguri Berisha nuk do të donte ta shikonte, tregon se si e vendosi Bashën në krye të PD-së.

Berisha që humbi zgjedhjet e vitit 2013, ishte ende kryeministër kur dirigjoi garën e padrejtë Basha-Olldashi. Ai vuri kushte që askush të mos përkrahte kandidatin e ndjerë.

Ai imponoi një fushatë blic dhe një garë ku shumë demokratë nuk e gjetën veten as në listat e votimit për të zgjedhur kreun e tyre të ri, duke i përgatitur kështu karrigen Bashës.

 





Lajmet e fundit nga