web counter
LEXO PA REKLAMA!

SHKARKO APP

App Store
Google Play

E fundit!

x

“Të vendosur me çdo çmim”/ Berisha tregon skenarët e protestës së opozitës

10 Shkurt 2026, 13:43, Politikë CNA

“Të vendosur me çdo çmim”/ Berisha tregon

Kryedemokrati Sali Berisha, në një konferencë nga selia blu, u ndal te të ashtuquajturit skenarë të protestës së 10 shkurtit.

Sipas Berishës, demokratët janë më të vendosur e të pamposhtur se kurrë ndaj narkodiktaturës, hap që e cilësoi si jetik për vendin.

“Skenari i protestës është skenar i një kryengritjeje të fuqishme paqësore që do të përcjellë, sot më shumë se kurrë, në vatrat e të gjithë shqiptarëve, por edhe në Bruksel, Uashington, Berlin dhe qendra të tjera kryesore, se ne nuk mposhtemi kurrë nga një narkokraturë.

Dhe jemi të vendosur që të mbrojmë me çdo çmim vlerat e përbashkëta që njerëzit e lirë ndajnë në Shqipëri dhe botë.

Skenari sot zhvillohet pas dështimit të fazës së parë të grushtit të shtetit dhe inicimit menjëherë të fazës tjetër të grushtit të shtetit, nga Edi Rama.

Por zhvillohet edhe pas kartonit të zi, që i nxorën mbrëmë dhe sot në Bruksel njeriut që për vjedhjet e tij është i gatshëm t'i vërë fjalën një procesi aq jetik, integrimit Europian të Shqipërisë, ëndrrës më fisnike të shumë e shumë gjeneratave, ëndrrës së Shqipërisë, zonjë në Europë.

Në këtë kuadër dua të theksoj këtu, thirrjen time për shqiptarët kudo që janë. Është jetik, vendimtar, kontributi i tyre.

Shumë e shumë prej tyre fluturojnë nga vendet ku janë dhe vijnë në Shqipëri, por i ftoj ata të organizohen për protestat më të fuqishme që janë zhvilluar ndonjëherë, para përfaqësive të narkoshtetit në vendet ku jetojnë.

Këto protesta për të cilat PD do të japë kontributin e saj me anëtarët dhe mbështetësit, janë sot të domosdoshme dhe jetike, në këto çaste, në këto momente kur Edi Rama ka tejkaluar çdo lloj ligji, standardi, norme morale në qëndrimet e tij, si kryeministër ndaj shqiptarëve.

Pra, kjo protestë shënon, hap dhe siparin e fillimit të protestave pranë përfaqësive të narkoshtetit, për t'u thënë popujve të atyre vendeve se kjo përfaqësi përfaqëson narkoshtetin, kurse ne në rrugë përfaqësojmë kombin shqiptar”,-tha Berisha./CNA  





Lajmet e fundit nga