web counter
LEXO PA REKLAMA!

SHKARKO APP

App Store
Google Play

E fundit!

x

“Tarifat e parkimit, shumë të shtrenjta”/ Këlliçi: Po  bëhet aferë korruptive

17 Mars 2023, 22:53, Politikë CNA
“Tarifat e parkimit, shumë të shtrenjta”/
Kandidati i Opozitës për Bashkinë e Tiranës, Belind Këlliçi

Kandidati i Opozitës për Bashkinë e Tiranës, Belind Këlliçi u shpreh se tarifat e parkingut në Tiranë janë shumë të shtrenjta, dhe të papërballueshme për qytetarët.

Këlliçi deklaroi se ka kërkuar zyrtarisht informacion, si deputet që e ka ende mandatin, se përse janë këto tarifa dhe ku shkojnë këto para që mbledh Bashkia.

“Tarifat e parkingut në Tiranë janë shumë të shtrenjta, dhe të papërballueshme për qytetarët.

Dhe sidomos për nëpunësit, që detyrohen shpesh ta lënë makinën per gjithë ditën, kundrejt kostos me 2 mijë lekë orën”, u shpreh ai.

Kandidati i PD-së deklaroi se edhe tarifat që merren për parkimin përmes mesazheve telefonike, janë shumë të larta.

Por, shtoi ai, edhe pse thuhet se këto pagesa shkojnë për gjelbërimin e qytetit, nuk dihet se cili është rezultati.

“Ku është ky gjelbërim?”, ngriti pyetjen Këlliçi, duke shtuar se “kemi të bëjmë vetëm me një aferë korruptive që i rëndon njerëzve”.

Këlliçi theksoi se “transparenca është e domosdoshme dhe do të bëhet për miliona euro taksa që Bashkia mbledh çdo vit, ku një pjesë e konsiderueshme e tyre përdoren për paga dhe favore elektorale e financiare”./ CNA





Lajmet e fundit nga