web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi zbulon arsyen/ Pse “EuReporter” e fshiu lajmin për financimet nga biznesmenë rusë

17 Mars 2023, 17:52, Politikë CNA
Kryemadhi zbulon arsyen/ Pse “EuReporter” e fshiu lajmin për
Deputetja e Partisë së Lirisë, Monika Kryemadhi

Deputetja e Partisë së Lirisë, Monika Kryemadhi, ka folur sërish për lajmin e “EuReporter”që e akuzonte me disa fatura se ishte financuar nga biznesmenë rusë, mbështetës të presidentit Vladimir Putin.

Kryemadhi tha në emisionin e Vjol Xhafës se sapo u informua për lajmin, i dërgoi një email medias së huaj.

Ajo pretendon se kjo ka qenë edhe arsyeja se përse ata fshinë lajmin, pasi u shpreh se kjo gjë ndodhi vetëm dy minuta pasi i shkoi emaili.

“Pasi unë i kam dërguar një email se kush jam dhe kërkova të më vinin në dispozicion dokumentacionet që ata kishin,  2-3 minuta më vonë është fshirë artikulli. Ndërkohë që redaksisë suaj i janë përgjigjur me një email që po vazhdojnë hetimet”, deklaroi deputetja.

Sipas saj, në ditët në vijim mediat e huaja do të nxjerrin edhe lajme të tjera për të dhe për pjesëtarë të tjerë të opozitës.

“Në emrin e Monika Kryemadhit janë falsifikuar disa transaksione të përdorur për show politik. Pritet që të ketë të tjerë artikujt për familjen Kryemadhi dhe pjesëtarë të tjerë të opozitës. Në një kohë kur artikulli i Financial Times, shkruante për Ramën dhe lidhjet e tij me Rusinë dhe investigime të tjera në shumë vende të Evropës, dalin këto artikuj të tjerë për të hequr vëmendje. Këto portale bëjnë shkrime me pagesë dhe financohen nga kompani kineze, për të lobuar për partitë e tyre”, theksoi Kryemadhi./ CNA





Lajmet e fundit nga